ZPM Thalai chuan vawiina thuchhuah an siamah, “‘Pathian leh kan ram tân’ titu inti MNF kaihhruai sawrkâr rorêlna chuan, Bihar-a Laloo-a vânglai a ang tual tual niin ZPM Ṭhalai chuan kan ngai a, he thil hi secretary-te hna chanpual siksawi kawngah chiang takin a hmuh theih a ni.
“Restricted tender chhuah kawngah a duhthâla CM a chèt theih loh avâng em ni? tih theih turin Secretary-te hna chanpual siksawi kawngah, Chief Minister hian Chief Secretary hi hremin, department tenau chan tirin, Chief Secretary-in a chan tur awm tak tak pawh a chantîr lo niin a lang a, hei hian Pu Zoramthanga rorêlna hi Laloo-a rorêlna ang maia mumal lo leh mi ṭhenkhat dahṭhatna sawrkâr a nih zia a târlang chiang hle; secretary hna chanpual siksawi kawngah hian department dangah pawh an nihna leh an hna chanpual inmil lo tak tak a awm nual bawk a ni.
“Pu Zoramthanga kaihhruai MNF sawrkâr chu thildang zawng aia ram leh hnam ṭhatna tur ngaihtuah tur leh, a sawrkâr kalsual tur vêngtute chu hnawk ti-a dahṭha mai lovin, kawng dik zawh phahna atâna hmang zawk turin thurawn kan pe a ni,” tiin an tarlang.
