Mamit bial-a Congress Party Candidate Pu K. Lalthanzama chuan MNF sorkar-ah mipui an beidawng a, sorkar hnathawk leh bank thleng in an beidawng takzet tawh a ni, a ti.
Pu K. Lalthanzama hian Mamit bial khaw hrang hrang fang mek in, nimin lama Damparengpui a hun a hman hnuah, vawiin khan Tuipuibari Community Hall-a amah lo hmuak tu te hmaah thu sawiin, kan hma lawk a inthlan kan hmachhawn tur-ah hian Mamit bial a hneh na kan chan ngei theih na tur chuan, Pathian hnenah kan in hlan a, kan dil hmasak a ngai a ni, a ti.
Pu K. Lalthanzama chuan Congress Party chuan kan ti ang kan tih chu kan ti hlawhtling ngei ngei thin a, NLUP cheng nuai 1 kan sem ang kan tih pawh mi nuai 1 leh sing 2 chuang hnenah kan sem mai a. Tunah hian kan Party President Pu Lalsawta’n ruahmanna fel tak That loh theih loh na bawm duang chhuak leh in, That loh theih loh na bawm chhung atang hian, tang te cheng nuai 2 in kan tanpui leh dawn a ni, a ti a. MNF sorkar in SEDP hmangin cheng nuai 3 pek min tiam a, vawiin thleng hian Rs. 25000 pawh an sem hlei thei lo ang hi, Congress party kalphung a nive lo, a ti bawk.
Pu K. Lalthanzama chuan, ZPM chuan an vawr tawp an thleng tawh tih sawiin, an party phuarkhawmtu hrui hrual a mawih em avang in an mi leh sa te an tang nghet hlei thei lo a, Chief Minister atana an zawrh mek lah zu rui ngai thei lo ber anga a insawi hnu lawkah thalai te zu lei na man a pek thin thu sawi leh lawi si a nih thu a sawi a, hetiang a mahni thusawi in kawkalh nuai ang chi hi ram hruaitu lu atan a thlan tlin tlak a nilo a ti bawk.
Pu K. Lalthanzama hian, Tuipuibari High School zirtitu te hlawh pek theih loh khawtlang in an bat mek cheng nuai1 in a tanpui bawk a ni.
Pu K. Lalthanzama hian Mamit bial khaw hrang hrang a fan chhunzawm zel dawn a, Tuipuibari a inkhawm hi Mamit West Block President Pu Vanlallawmawma’n a kaihruai a ni.
