MNF Sorkar Flagship Program SEDP chu thawhhnihna pawh chhunzawm zel ani dawn : Lalruatkima

Information & Public Relations Minister Lalruatkima chuan MNF Sorkar Flagship Program SEDP chu thawhhnihna pawh chhunzawm zel ani dawn tih a sawi.
Inrinni khan IPR Minister Lalruatkima chuan a bial chhung Aizawl West-II Dinthar venga hmasawnna hnathawh kal mek leh hma lak chhunzawmna tur hrang hrang te enfiahna neiin, Minister chuan faina thianghlimna kawngah mipuite tan la zel ila, kan chhehvel bawhlhawh kan paih fimkhur tawk lo leh kan tuithli chhia te mumal taka paihna kan siam loh chuan chhiatna a thlen thei tih hria a, mipuite kan fimkhura tan kan lak atul tih a sawi a ni.
Lalruatkima chuan khawtlang hruaitu te leh party hotute nena inkawmkhawm na an neih ah thusawiin, “MNF Party in ram leh hnam tana a hnathawhte enin Oppostion party ten inthlan lo awm leh tur hmachhawn an huphurh hle a. An mi leh sate pawhbeh nan tunlai hian an mite rilruah inthlang mai tura anga inzirtirin, theihtawp an chhuah a. An mite beidawng erawh MNF Party-ah an rawn hawkhawm zel thung a ni,” tiin “SEDP, kan Zoram tana Party Flagship Programme chu a thawhkhatna tur kalpui mek a ni a. A thawh hnihna chhunzawm thuai turin Sawrkar a inbuatsaih nghal a ni. Chuvangin, thawhkhatnaa tellote pawh thawhhnihnaah hian kan leng vek dawn a ni,” a ti bawk.
Lalruatkima chuan, “MNF Sawrkar-ah mipui tan hna tha tam tak thawh a ni a. School naupang pum thalo pawh an a ta lo! Gas kan hnianghnar a, buhfai a tam a. Kawngpui tha avangin zin veivakte pawhin zinkawngah hun rei tak hman a ngai ta lo,” a ti bawk.