MPCC Treasurer leh MLA nibawk Pu Zodintluanga chuan, MNF sorkarin kan ram a tihchhiat mek siam tha tur in Congress Party bak kan awm lo a ti.
He thu hi vawiin a Congress Thalai (MPYCC) in a din thar MPYCC Social Media Department pualin Meeting Cum Short Training a buatsaih-ah sawiin, Pu Zodintluanga chuan, Hmasawnna ruhrel liantham leh rotling tam takte kha MNF sorkar khan tichhe vekin an kalsan a, Kum 10 chhung Congress sorkar khan sum dinhmun tha takah kan dah a. Tunah MNF sorkar kum li chhung hian nawmchenna leh leiba bakah sum harsatna khurpuiah min hruai lut leh ta. Hemi siamtha leh tur hian Congress kan sorkar leh ngei a tul a ni, a ti.
MNF in an sorkar theih na tura an hmatheh SEDP avanga beidawng mipui zawng zawng ten congress party an rawn zawm vek dawn tih sawiin, Pu Zodintluanga chuan party hming thlak thut vanga sorkar theih ni se chuan MNF(N) leh ZNP te kha an sawrkar daih tawh tur thu a sawiin, tuna ZPM tia an in vuah leh tak avang hian an sorkar dawn tih na a nih loh thu a sawi a, ZPM chu an than a tawp tawh tih sawiin, a fan theih tawp in an fan tawh a, 2023-ah hian Mizoram dinhmun chhe mek tung ding leh tur hian, sum enkawl thiam leh eirukna a fihlim Pu Lalsawta kaihhruai Congress party lo chu sorkar tur a awm lo ani, a ti a. Tun a Mizorama Party hrang hrang President te en vang vang hian Pu Lalsawta tluk a mipui rinkai leh ram siamna tha tur a Experience nei tha an awm lo a ni, a ti bawk.
MPYCC Presdient Dr. Lalmalsawma pawh in fuihna thu sawiin, Congress Party mipui zawng zawngin kan Party President Pu Lalsawta principle hi kan tawmpui a, Mizoram mipuite tan Sorkar Tha siam kan tumna ah a tha ti chak hi kan mawhphurhna ani, a ti a.
Meeting hi MPYCC Treasurer Pu Ngurdingpuia Pachuau in a kaihruai a, mithiam sawmbik te thusawi ngaihthlak a ni bawk.
