Lunglei District Congress Committee (LDCC) chuan thuchhuah siamin, “NABARD Loan hmanga BHSS Administrative Bldg.sak chungchangah MNF Sub.Hqtrs.Lunglei ten LDCC media Deptt thuchhuah rawn chhang let a, an rawn in sawifiah ve hi an pu te eiruk an rawn puangzar zawk tihna a ni,” an ti.
Thuchhuahah chuan, “BHSS Administrative bldg sak nan a a engamah hma a Rs Nuai 15.67 Consultation fee tih te leh Sorkar a chhun luh leh tur an tih hi thil mak a ni a, Contractor hian GST leh Labour Cess bak hi Sorkar -ah chhunluh tur an nei lo hrim hrim a, Rs Nuai 15.67 an lak hi an pu te eiruk tur an rawn puang ta tihna a ni a, buichhia laih lovin an inpuang tihna a ni.
“Mizoram pumah NABARD hnuaia Loan hmang a School sak naah Rs nuai 15 vel zel an hauh a nih chuan engzatnge an eiruk tur tih hi zawhna a ni. Electrification tihna tur zaa 7.5 an cut nghal ringawt pawh hi thil diklo hul hual a ni a, hnathawh hma hauh a pawisa lo lak hi thil diklo a ni. Insak hna BCM kut a an dah rau rau anih chuan Electrification pawh hi BCM kutah dah turin leh pawisa an hren sak hi September thla chhung ngei hian BCM kutah dah turin kan ngen in kan hriattir nghal a, Loan hmang leh nghal a Sikul sakna tur pawt peng duhtu Education Minister hi bang ngei tur leh Minister ni tlakah LDCC chuan a ngai lo tih kan rawn puang nawn leh a ni,” an ti bawk.
