March 24, 2022 chawhnu dar 2 khan MNYF Headquarters-a Elected Office Bearers, General Secretary-te leh Aizawl City Block MNYF Elected Office Bearers-te chuan MNYF Headquarters Office, Mizo Hnam Runah meeting neiin a hnuai ami ang hian resolution an pass a ni.
1. Ramin sum leh paia harsatna a tawh lai leh kum kal taa kan budget pharh cheng vbc 2800 vel zet kan hmuh theih loh laiin, kan Chief Minister zahawm tak Pu Zoramthanga, Finance Minister ni bawkin fing leh remhre taka kan sum leh pai a enkawl avanga harsa lutuk lova sorkar a kalpui thei hi a ropui kan tiin kan chhuang takzet a ni.
2. Kan sorkarin kum 2018 MLA inthlan dawna flagship programme a lo tlangaupui tawh SEDP chu, mipuiten eizawnna ngelnghet zawk an neih theihna tura hun harsa tak kara kalpui tura ruahmanna a siam hi ropui kan ti.
3. Kan sorkarin mipuite ei leh bara harsatna awm lova vawiin thlenga min hruai thei hi kan sorkar chungah lawmthu kan sawi a ni.
4. MNF sorkar hnua furpui vawi 3 (thum) ngawt kan paltlang tawh hnu pawha inkalpawhna kawngpui lama harsatna lian tham tawk lova kan kal zel thei hi kawngpui ngai pawimawhtu sorkar kan neih vang a ni a, a lawmawm kan ti hle a ni.
