MNF Vice President Pu Lalthlengliana’n MNF member zingah Padma Shri Award dawng thei pahnih Pu Lalbiakthanga Pachuau leh Pi B.Sangkhumi-te an nei chu a ropui an ti takzet tih a sawi.

Vawiin khan MNF chuan Hnam Runah
Padma Shri Award dawng te chawimawina an nei a.MNF High Command member pahnih Pi B.Sangkhumi leh Pu Lalbiakthanga Pachuau, Padma Shri Award dawngtute chu chawimawina parthi MNF Vice President Pu Vanlalzawma leh Pu Lalthlengliana-ten an hlan a. Pu Lalbiakthanga Pachuau leh Pi B.Sangkhumite pawhin thu an sawi a ni.. MNF Vice President Pu Lalthlengliana chaub kan ram tana la pen chhuak ve miahloten kan President te hekin case chitin reng a awrhtir a, Lalpa’n roreltute a ruat hi tawrh a phal a ni,” a ti a.
Inremna chungchang sawiin MNF Vice President chuan, “Kan inremnaah khan Article 371G kan nei a, inremna tha leh ropui tak a ni. Hun rei tak India sorkar nen inbiain inremna kan nei a. Ram hmangaih intitu tam tak hian Indian constitution chhun han khat pawh an tidanglam ve lo. Pathianin kan ram hruai turin harsatna tinreng kan hotute kha a tuartir tawh a ni,” a ti.
Pu Thlenga chuan, “Sorkar kal tawhah ramri chungchangah kan zirlaiten hliam an tuar a, hman ni lawkah chuan India sorkar kum 20 do ngam hruaitute chuan ram chhan nan hmalain, lehlam sipai chu an thi phengphung mai tih kan hriat kha a ti a. Pathian huat ber chu milem biakte a ni a, Lalpa mi ruat pawisawitute chuan Lalpa mit naute an khawih a ni, a ti bawk.
Pu Thlenga chuan Vawiina kalphung thar buaipuite kal dan hi a mak khawp a, President-ah Pu Lalliansawta, Working President-ah Pu K.Sapdanga, Leader-ah Pu Duhoma-te an ni a. Valupa Council an tihte kan hria a, hotu ber pawh an hriat loh teh nuaih hlawm a nih hi a ti a. Inthlan dawn apiangin engemaw nih tumin an rawn pen chhuak thin a, kalphung thar tak tak an nei lo. Kelchal tlanchhe ek ang phauh phauh an ni a, an tlem tham lutuk, engtikah mah an sorkar lo ang. Congress lah Central, State dangah leh Mizoramah an tlasawp tawh em em a, MLA 34 atangin 5 chauh an nei tawh. Kum 2023 inthlan lo awm leh turah hian Pathianin MNF hi chawisangin ropui takin a sorkartir leh ngei dawn a ni,” a ti bawk.