Political party aiawh a thisen pe tam ber lâwmman pakhatna (Miscellaneous Category) ah MNF thalai Headquarters in a dawng.
Vawiin June ni 14, 2023 (Nilaini) hian Association for Voluntary Blood Donation chuan Dawrpui Multipurpose Hall ah World Blood Donor Day-2023 pualin damlo mangang te tana thisen pe tha chawimawina hun a hmang a, he hun ah hian MNYF Headquarters pawhin political party aiawh a thisen pe tam ber lâwmman pakhatna (Miscellaneous Category) ah a dawng a ni.
Thisen pe ṭha lawmman hi Health & Family Welfare Minister Dr R Lalthangliana chuan MNYF Hqrs’ hruaitute hnenah lawmpuina thuziak leh thilpek dang nen a hlan a ni.
MNYF Heaquarters hian kum dangah pawh mi mangang leh a mamawhtu a piang te tan thisen a lo pe tawh thin a, kumin hi MNF thalaite chuan thisen pe tam ber lawmman ṭum 3 a dawnna a ni tawh a ni.
“Kumin 2023 September ni 20 a Martar Day lo thleng tur pual pawh hian a mamawhtu a piang te hman turin MNYF Headquarters chuan thisen pêk runpui buatsaih leh a tum a, Mizoram pum a MNF thalaite uar leh zual a midangte tan thisen pe zêl tûrin kan ngen nghal bawk a ni,” an ti.
