Dt.12th April, 2022: Vawiin chhun khan Mizoram Pradesh Congress Committee (MPCC) Elected OB 3 President Pu Lalsawta, Vice President Pu Lal Thanzara leh Treasurer Pu Zodintluanga MLA te leh Mizoram Pradesh Youth Congress Committee (MPYCC) office bearers te chu Congress Bhavan President’s Room ah an inkawm a, pawl dinhmun report bakah hmachhawp hrang hrangte huamzau takin an sawiho a ni.
MPCC President Pu Lalsawta, Ex Minister chuan sorkar tha siamna tur kawngah thalaite an pawimawh thu sawiin, thalai kum naupang zawkte pawhin tunhma aia nasa-in politics an ngaihven tawh a; khawvel ramdangah phei chuan thalai kum naupang zawkte kutah ram siam hna hi an nghat tawh a ni. Chuvangin, sorkar tha siamna tur, system tha kengtu Congress party ah rinna rawn nghat ngam turin thalaite ka sawm a ni, a ti.
MPYCC aiawha thusawitu President Dr Lalmalsawma chuan, Congress party ah thalaite hi dah pawimawh reng an ni thin tih sawiin, party tana theihtawp chhuaha hnathawktu an ni a ti a. Tha thlah lova sorkar lai khal ngil tura tanla tur leh taihmak chhuah turin a member puite chu a sawm a ni.
Inkawmhonaah zawhna leh chhanna hun bakah Congress party Manifesto atana tha nia an hriatte Congress thalai hruaitute hian an hotute hnenah hian an thlen nghal a, hlawkpui an inti hle a ni.
