Aizawl, 20/3/2022 : Naktuk ni 21/3/2022 (Thawhtanni) khian MPCC President Lalsawta leh Elected OB pahnih Vice President Lal Thanzara leh Treasurer Zodintluanga Ralte, MLA te chuan chhim lam zin runpui an nei dawn a. Congress Elected OB pathumte hi party hruaitu engemaw zatin an ṭawiawm dawn a ni.
March ni 21 chawhnu dar 1.00 khian Lalsawta, MPCC President hian Lunglei Press Club-ah chanchinthar lakhawmtute a kawm ang a, hemi hnu hian Lunglei Congress Bhavan-ah party intawhkhawm neiin Lunglei District Mahila hruaitu thar a puang ang, zan lamah LDCC hruaitute nen an inkawm leh ang.
March ni 22/3/2022 hian MPCC President hian Tawipui tlangdung a tlawh anga chawhnu dar 3.00-ah Lawngtlai Areopagy-ah ‘Public Meeting’ a nei ang. March ni 23/3/2022-ah Bungtlang South-ah MPCC President hian mi thar thahnem tawk tak a lawmlut nghal anga Serkawr leh Tuipang a pan nghal ang.
March ni 24 khian Siaha lamah Mara Autonomous District Council (MADC) inthlanna neih turah campaign a hawng nghal ang a, MaraDCC-te nen inkawmhona an nei ang. March ni 25/3/2022-ah Bualpui NG tlangdung khaw hrang hrang tlawhin Hnahthialah a riaklut ang a. Hnahthialah hian March ni 26 zingah ‘Public Meeting’ a nei anga chawhnu lamah Serchhipah ‘Public Meeting’ neih a ni leh ang.
MPCC OB-te hi Lalrindika Ralte, MLA leh party hruaitu thahnem takin an zui dawn a, Mahila Headquarters, Congress Thalai leh Media Department-ten an ṭawiawm dawn bawk a ni.
