Vawiin khan Mizoram Pradesh Congress Committee (MPCC) chuan kum 2024 – chhunga an party hruaitu tur thlang chhuakin heng mite hi thlanchhuah an ni :
1. President – Lal Thanzara
2. Vice President – Lalnunmawia Chuaungo
3. Tresurer – Dr. Lalmalsawma Nghaka
MPCC inthlang hian mipui ngaihven a hlawh em em a, hei hi an party chhunga paliante inbeihna a nih vang nia rin a ni a. Office bearers bakah hian Executive Members 60 thlan nghal niin, an Dan bu angin mipa 50 leh Hmeichhia 10 thlan chhuah an ni bawk.
Tarlan tawh angin, Congress Party chuan official Nomination siamin, Lal Thanzara, Ex-Minister chu President chuh tura tih a ni a. Lalnunmawia Chuaungo (IAS Rtd.) chu Vice President chuh tura tih niin, Dr.Lalmalsawma Nghaka chu Treasurer chuh tura tih a ni a. Hetih lai hian Ex-Minister Zodintluanga Ralte chuan MPCC President atan nomination hi a thehlut a, Vice President atan Ex Minister Ngunlianchunga leh Treasurer atan Lalrindika Ralte, Ex MLA ten nomination hi an file thung a ni.
