MPCC-in Sorkar sum dinhmun mipui hriata puangchiang turin a phut

Mizoram Pradesh Congress Committee MPCC Executive thutkhawm Lal Thanhawla Auditorium-a neih ah Sorkar sum leh pai dinhmun dik tak kan hriat theih nan “White Paper” tichhuak vat turin Mizoram Sorkar an phût tih resolution siamin an tarlang.
Vawiina MPCC President Lalsawta hoa Executive thutkhawm neih ah hian thil pawimawh hrang hrang sawiho a ni a, MPCC hruaitute term, July 24, 2022 a tawp ta chu kum 2023 General Election thleng pawhsei nise an ti a, heng bakah hian Executive thukhawm chuan MNF sorkar sum enkawl dana an lungawilohna chungchang resolution an siam a ni.
MPCC Executive Committee hian a hnuai a mi ang hian Resolution an siam a ni.
Mizoram Sorkara Finance Commissioner-in sum leh pai lama harsatna a zualkai tur thu a sawi, nitin chanchinbua lo lang kha Congress Party chuan a ngai thutak hle a; ngun taka a zir chianin Mizoram sum leh pai dinhmun hian hniam lam a pan zel a, râlkhel dâr vuak a ngai ta hialah kan ngai.
“Hetianga sum leh pai lama harsatna namen lo kan tawh chhan hi eng dang vang ni lovin, Pu Zoramthanga kaihhruai MNF Sorkarin a tlaran zawnga ram an hruai vang a ni tih hi Congress Party hmuh dan a ni. Congress Sorkar, Pu Lal Thanhawla kaihhruaiin inrenchem taka Mizoram sum leh pai dinhmun a lo siam ?hat tawh sa, kum 4 pawh a ral hma a MNF Sorkar hian dinhmun chhe takah a dah leh ta mai hi a pawi kan ti takzet a ni.
“Pu Zoramthanga kaihhruai MNF Sorkar hian, hmuh lêt leh na tur awm miah lo thilah sum tam tak tak a hman ?hin avangin Mizoram leiba pawh nasa takin a pung a. Hei hi siam that thuai a nih loh chuan Mizoram hi “Leiba thang” (Debt trap) ah a tâng ang a, mipuiten kan tuar nasa hle dawn a ni.
“Hetiang hi Mizoram sum leh pai dinhmun a nih laia Chief Minister leh Finance Minister ni bawk, Pu Zoramthanga’n ngawih a la chuh tlat hi a mawhphurhna a lâk thutak lohzia ti chiangtu ah Congress Party chuan a ngai a. Finance Commissioner thusawi hi a dik a nih chuan MNF Sorkar hi siamthat hna thawk tura a chet a hun kan ti a ni. Hetih rual hian mipuiten Sorkar sum leh pai dinhmun diktak kan hriat theih nan “White Paper” tichhuak vat turin Mizoram Sorkar hi kan phût tlat a ni.