Vawiin ni 12.12.2022(Thawhtanni) zing khan Mizoram People Forum (MPF) Governing Board te Synod Committee Room ah an thukhawm a. President Rev Dr Vanlalnghaka Ralte in a kaihruai.
MPF Gen. Hqrs President tanglai, Rev Dr Vanlalnghaka Ralte chu Synod Moderator a nihna a tawp tak avangin President inruat thar a ngai a. MPF Dan Bu enthatah MPF President chu Governing Board in kum thum atan a ruat thin ang tih a nih avangin MPF Gen. Hqrs President tur hi kumthar January 9,2023 (Thawhtanni) ah ruat nise an ti a, hemi hma hi chuan tuna President tanglaiin a hruai rih dawn a ni.
Inthlan chungchanga MPF leh Political Party te thawhhona thuthlung enthat mek chu a thawh khatnan November 29,2022 khan MPF hruaitute leh Political Party hrang hrang hruaituten an lo thlirho tawh a. Hetah hian BJP, MPCC, MNF, PC leh ZPM party hruaitute an tel. MPF Governing Board meeting chuan January 24,2023 ( Thawhlehni) ah Party aiawhte nena sawihona hun hi buatsaih leh an rel bawk.
MPF Dan Bu thar chu a bu a tihchhuah nise, copy 2000 chhut nise an ti.
MPF hruaitu kumtharah ruat tha dawn
Leave a Reply
-iOS Version