Mizoram Sorkarin MPSC hnalak dan chhui tura a ruat M. Lalmanzuala, IAS (Rtd.) chuan vawiin (9.5.2024) khan Aizawl Press Club-ah chanchinthar lakhawmtute a kawm a, MPSC hnalak chungchang a chhui dan a sawifiah.
M.Lalmanzuala chuan exam paper-a thaichhiat leh correcting fluid awm chungchang sawifiahin, ‘Evaluator number 1-in a endik zawhah evaluator number 2-in a endik hmain a mark pek zat a hriat lohna atan answer paper-a mark pek chu pen hmang leh correcting fluid hmanga thaichhiat a ni. Mahse, uluk taka en chuan mark an pek zat hi mark pekna tura tiha an mark pek zat nen a inmil vek. Thaichhiat a nih avang khan thil dik lo a awm lo, a ti.
Dan dik taka chuan answer paper-ah mark pek loh tur a nih thu sawiin M Lalmanzuala chuan, “Ansewr sheet-a mark pek a thiang lo,” a tihrualin, hetianga answer paper-a mark pek thaichhiat hi tun tuma thil thleng ni loin tunhma bum 10 vel kalta atanga an lo tih tawh thin dan a nih thu a sawi.
M Lalmanzuala chuan MPSC-a thawktute’n an office-ah an lutru nia sawi awm chungchangah, ‘MZP-te an awm loh takah khan direct recruitment lama thawktu mi pathum chuan an hotute nen inberawnin, a kar leh maia interview ko tur an nih avangin office an kal a. A ruka lut pawh an ni lo, police he pawhin an luh leh chhuah an hre vek. Thu kan zawtfiah ve ve. Chu bakah, kan hnu chhuina atana pawimawhte chu confidential branch-ah kalh hnan vek a ni a, luh theihna an nei Io hrim hrim,’ a ti.
M.Lalmanzuala chuan MPSC-in tih dik Io engmah an nei Io tih chu a hmuhchhuak tih sawiin, ‘Exam endiknaah Chairman leh Secretary an inrawlh Io hrim hrim. Interview tur an koh chinah chiah tute nge interview tura koh an nih an hria,’ An, interview an zawh hma chuan written-a an mark hmuh zat pawh an hriat ve loh thu a sawi bawk.
