Ni 17 April 2023 Thawhtan ni a, a nau tuitla chhan nana Nunna chanta Anthony Vanmawia, Class -III zirlai, Govt. P/S Tuirial Leikai sunna leh chawimawina hun Mizoram Primary Teachers’ Association buatsaihin vawiin ni 16 June 2023 Zirtawpni khan Zarkawt Community Hall-ah neih a ni a. He hunah hian Lalsangliana, Director School Education Department chu khuallian niin hun a hmanpui.
Rosangzuala – Vice President, MPTA Gen.Hars, chuan kai hruaiin, R. Zonunmawia-President, MPTA Gen.Hqrs. chuan thusawina hun neiin, R. Lalpianthanga, General Secretary, MPTA Gen.Hqrs chuan Introduction leh Report pekna neiin, J. Lalbiakliana, Org. Secretary, MPTA Gen.Hqrs. chuan sunna hun a nei a ni.
Khuallian Lalsangliana, Director School Education Department chuan Thusawina leh Naupang Huaisen Chawimawina Citatioan leh Sum fai Rs. 10000/- (Singkhat) hlanna hun a nei bawk. Govt. Rev. Thianga P/S, Bethlehem Vengthlang Naupangte chuan he ni pual hian Special Item neiin, thusawina Naupang Huaisen Anthony Vanmawia chhungte atang leh a School luhna Govt. Tuirial Leikai P/S zirtirtute atang ngaihthlak a ni bawk.
ANTHONY VANMAWIA (11) chanchin :
Anthony Vanmawia pa chu Pu Johsua Lalrinngheta a ni a, a nu chu Pi Vanlaltanpuii a ni a, Tuirial Venga cheng an ni a. An unau hi pahnih mipa ve ve an ni. A nau chu Hmunsiama kum 9 a upa a ni a. Amah Anthony Vanmawia hi May ni 9, 2013 ah a lo piang a, kum 11 a ni ve tawh a, Class-III zir lai mek a niin. An unau hian an veng Tuirial Primary School-a kal ve ve an ni.
April ni 17, 2023 tlai lam dar 3:00 vel khan an School bang chu khua a lum em avangin an in bul luiah inchiah dai turin an thiante nen an kal a, a nau chu balu lakna tui thuk laiah chuan tlain a che sual ta hlauh mai a, a u Anthony a chuan a nau tui tla chu talbuai chu hmuin chhan tumin tuiah chuan a lut ta a, theihtawp chhuahin a nau Vanmawia chu tui atang chuan a nam chhuak thei ta hram a, amah chu tui atang chuan chhuak ve thei ta lovin Tuiah chuan a tla ta a. A nau chu chhan thei mah se vanduaithlak takin a nunna a chan ta hlauh a ni.
Tichuan, Anthony Vanmawia kum 11, Govt. Primary School Tuiriala Class-III zirlai duhawm tak chuan April ni 17, 2023 Monday tlai lam dar 3:00 vel khan mi dangte nunna chhan nan Vanduaithlak takin min lo kalsan ni.
Hetiang anga mi dangte nunna chhan nana a nunna hlu tak hlantu Anthony-a hi kan ui tak zet a, kan ngaisang a, mi dangte tana a inpekna hi a ropui kan ti a. Vawiinah hian Primary School-a kan zirlai leh School naupang duhawm tak hi uiin Mizoram Primary School zirtirtute leh zirlaite hian kan sun tak meuh meuh a n, tiin MPTA chuan thuchhuah an siam.
