MPWD leh YMA-in thawhhona kum 3 atan ziahbelh

Aizawl 14th July, 2022: Mizoram PWD leh Central YMA te chuan Mizoram chhunga kawngpui hrang hrang hnathawh dan leh enkawl dan ah thawhhona thuthlung ziak leh an thawhhona tur ah hian Mizoram chhunga khaw hrang hrang te inkalpawh na tur kawng siam leh thawm that kawng ah te, a siam tute tana harsatna awm thei sutkian dan tur kawng ah te, kawng siam vil kawng ah te kawng hrang hrang a thawk ho zel turin an thuthlung ah hian an ziak a ni.
Thawhhona thuthlung hi nimin khan MPWD Conference Hall-ah MPWD leh YMA te chuan Kum 3 chhung ziak leh in YMA lam aiawhin Central YMA President R. Lalngheta’n a ziak a. Mizoram PWD aiawhin E-in-C, Er. Bowman-a’n a ziak bawk a ni.
MPWD hotute leh Central YMA mai bakah Central YMA hnuaia Sub Hqtr. YMA, Group YMA leh Branch YMA hruaituten thawhhona thuthlung anga an hna thawhte sawi ho leh thlirletin vawi engemaw zat in kawm hona hunte siam a lo ni tawh a. Tunhnaiah he thawhhona hi kum thum (3years) atan ziah belh leh nise tih a nih angin He thuthlungah hian kawng siam dawna mipuite hrilhhriat hmasak dan turte, kawng siam, project intanna leh tawpna chhinchhiah na, Informatory Board tar thin ven him hna thawhna tur te, kawng siam endik na tur leh kawng a that reina tura hmalakna tur hrang hrang ziah tel a ni bawk.
Kum 2017 Oct. Ni 17-19 chhunga Champhai Zotlanga, YMA General Conference Rorel a khawmpui palai tena lungrual taka an lo passed “Mizoram hmun hrang hrang a inkalpawhna kan neihte hi tun aia tha leh changtlung zawka siam a nih theih nan Central YMA-in hma la rawh se” tih chu Central YMA in a bawhzuina ah Mizoram PWD te leh Central YMA te chuan hemi kawnga hmalak ho tha an tih angin Ni 14.6.2018 khan Chief Minister’s Conference Hall, CMO Office-ah Thawhhona Thuthlung ziah a lo ni tawh a ni.