Vawiin April ni 7, 2022 (ningani) hian MPYCC office-ah Mizoram Pradesh Youth Congress Committee (MPYCC) hruaitu thar leh hluite chuan charge inhlanna an nei a. MPYCC hruaitu tharte chu Pute;-
Dr.Lalmalsawma Nghaka – President Laltawnliana – Vice President
Treasurer – Ngurdingpuia Pachuau te an ni.
He hunah hian Pu Benjamin Thansanga, General Secretary,MPCC i/c Youth Congress team-ten telpuiin, Ṭhalaite fuihna thu ṭha tak ngaihtlak a ni. MPYCC President Dr.Lalmalsawma Nghaka chuan he hunah hian thusawiin, “Kan President Pu Lalsawta’n ‘Ṭhat loh theihna bawm’ a ruahman mekah hian kan hotute pawhin ṭhat an tum a, Ṭhalaite pawh kan insiksawi mek a, kan dik lohna leh ṭhatlohnate inenfiahin, ṭhat loh theihna bawma lut thei tur hian kan intuaithar mek a ni. Tute emaw anga ṭha lutuk bik leh famkim lutuk bik a inngai tur kan awm lo tih kan chiang a. Chuvang chuan hei hi hre rengin kan hotuten kan zavaia kan ṭhat theihna turin, ‘Ṭhat loh theih lohna bawm’ an ruahman a ni”, a ti a. “Inthlanpui hnuhnung ber 2018 a kan tlak chhiat lai ber pawhin, Vote Share 29.98% lai Pathian leh mipui zarah kan la nei a, zamna tur a awm lo. Pathian khawngaihna a zarah kan tho leh mek a, tha thar, inpekna thar leh mipui tana rawngbawl tura tumruhna thar nen hmasawn zel turin kan in buatsaih mek a ni”, a ti bawk.
MPYCC Executive & Organiser Join meeting neih chhunzawm nghalin, hmachhawp leh tihtur tamtak an ruahman nghal a. April thla chhung hian mi thiam bik leh mi bikte sawm a Pathian hnena Inhlan tharna leh Political training neih tum a ni a. April leh May ni 15 hmain Ṭhalai block inthlan neih tum a ni bawk.
