Vawiin khan MPYCC hotute chuan Aizawl leh a chhehvel veng hrang hranga thli leh ruah sur nasa avanga chhiat tawk te a hmunah tlawh kualin, Silpauline bakah thawmhnaw leh an mamawh dang te an pe.
MPYCC chuan ruahsur leh thli tleh kara an bial mipui tana theihtawpa che chhuak Ward No. V, Corporator Rosiamngheta, Ward No. XV Corporator Zodingpuii leh Dr. Lalmalsawma Nghaka, Treasurer, MPCC te fakawm a ti a. Bial mipuite pawhin an harsatna leh manganna te inthlahrung lova an hnena thlena, a theihna kawng a awm ang zela che chhuak zel turin an in peih reng a ni.
Aizawl leh Mizoram hmun hrang hranga chhiat tawk, nunna chan te MPYCC chuan a tawrhpui takzet a, Pathianin awmpuiin thlamuan se la, hliam tuar leh harsatna tawk te lo tha thuai leh turin duhsakna a hlan a. Mizoram hmun hrang hranga Congress Thalai te pawh mahni in luma a him china awm mai loa, a theihna apiangah midangte harsatna laka puitu ni tura che chhuaka malsawmna ni theuh turin MPYCC chuan Congress thalaite a ngen bawk a ni.
