Congress Thalaite chuan vawiin khan Chief Minister Zoramthanga chu a Pisa-ah hmuh an tum a. Police te chuan Chief Minister Office Gate-ah an lo dang a. Rei vak lo an innawr buai a ni.
Congress Thalaite hian Chief Minister hnenah hian ‘Health Care Bill chungchang tifel a, thudik puangchhuak tura phûtna’ thehluh an tum a. Amaherawhchu, Chief Minister hi an hmuh theih loh avangin K.Lalthawmmawia, Secretary to Chief Minister chuan lo dawn sakin, Congress |hataite chuan an enzui zel dawn thu sawiin, vawiin atan bik chuan an tin leh ta a ni.
MPYCC chuan an lehkhaah chuan, “I sawrkar kaihruai chak takin damlohna avanga Damdawi In awmna bill Rs.71,21,84,109 (chengvaibelchhe sawmsarih pakhat nuai sawmhnih pakhat singriat sangli za leh pakua) lai mai in ba tih RTI zawhna chhanna a\angin kan lo hmu a, \henkhat phei chu kum khat dawn bat sak an ni a, an mangangin an beidawng tawh takzet a, a tithei zualten bill hi awlsam tein an la mai \hin nia sawi a ni. Bill la thei lo mi harsa beidawng mangang au thawm ngaihthlak hi Congress |halai chuan hrehawm kan ti a, ngawihbopui mai chi niin kan hre lo a ni.
“Health Care sum awm sa vaibelchhe za têl tehmeuh bank hrang hrangah pung tam tak awma dah an ni a, mipuiin Health Care atâna kan inziahluhnaa kan chawi te nen phei chuan Health Care sum bawmpuiah hian sum tam tak a awm tih hi mipui hian kan hai lo a ni.
“SEDP-ah khan khawnge in pek in tih chuan, ‘a damlo apiangina Damdawi Ina an rawn hman theih turin in khat tan chêng nuai hnih (Rs.2,00,000) thleng SEDP-ah tunah hian kan dah vek,’ tiin, Assembly House-ah nangmah ngeiin i lo sawi bawk a. Heng avangte hian mipuiten i sawrkarah beiseina sang tak kan nei a ni. Hemi a nih laia Health Care bill ba tam uchuak tak mai pêkchhuah theih loha rei tak a awm ta tlat mai hi a makin a lungâwi thlâk loh tawh takzet a ni,” tiin an tarlang.
MPYCC chuan, “Congress sawrkar khan \ha taka Health Care Scheme chhunzawmin, cheng vaibelchhe 122.39 chuang a dah ve pawh sawihnawm sak a, ‘Congress kum 10 sawrkarin cheng khat mah Health Care atan sum an dah lo’ i han ti maite khan Congress |halai rilru a tina hle a ni.
“Keini, Congress |halai-te chuan July ni 20, 2022 hma ngeia a hnuaia kan rawn tarlan point pangate hi, mipui hriata min puan chhuahsak a, tifel turin kan phût che a, hun tiam chhûnga i tihhlawhtlin ngei pawh kan beisei bawk a ni. Hun tiam chhunga tihfel a nih loh chuan mipui thlavang hauhin kê kan pên zel dawn a ni,” tiin a hnuai a mi hi July ni 20, 2022 thleng an nghak dawn niin an tarlang.
1. Health Care sum tlingkhawm leh a pung zawng zawng zat belhkhawm mipui hmaa puangzar turin.
2. Damlo bill ba zawng zawng release turin.
3. Chhung tina damlo apiang tana cheng nuai hnih tleng hman theih tura SEDP-a sum dah vek tawh kha khawiah nge a awm a, engzatnge dah anih mipui hriata puangzar turin.
4. In sawrkar hmasa anga Health Care sum mimal hlawkpui tura bank-a in dah leh dah loh sawi chiang turin.
5. Congress sawrkar hmasa sum lo dah vaibelchhe 122.39 chuang sawi hnawm a, cheng khat mah dah lo anga dawt i sawi kher nachhan.
Heng point panga kan rawn tarlante hi khawngaiha min sawifiah sak turin kan ngen a che.
