Congress Thalai chuan thuchhuah siamin, “Ruihhlo avanga Mizoramin harsatna hrang hrang a tawh mêk hi sorkar hian ngun zawka ngaihtuahin a enkawlna tûr Community Healing Centre, UNO hriat tham, World Health Organisation nena tangtlangin din vat ni rawh se” an ti.
Thuchhuahah chuan, “Tun hnai kum hnih chhung hian Mizoramah nasa takin Ruihhlo a hluar a. Ruihhlo tawlhtute nen inthurual anga ngaihbel theih turin Assam Rifle hovin, tum danga thil thleng ngai lo an um zui leh an tih buai ngai khawpa rinhlelh kai nia ram mipuiin a ngaih theih tur, ram hruaitute chungah harsatna a thleng a. Tin, Ruihhlo ngaite ngai pawimawhin Chief Minister zahawm tak thutiam tira lakluh a nih hlima a tlawh hmasak ber pawh Ruihhlo ngaite dahna hmun a ni tih mipuiin an hre bawk. Mahse, tun hnai hian Mizoram a him lo zual hle a, Ruihhlo (no. 4) leh ruihhlo dang man a tam em em a, mizo thalaiten kan tuar nasa hle a, hei hi Congress Thalai chuan pawi a ti takzet a ni.
“Tunlai hian Ruihhlo ngaite buaipui leh enkawlna kawngah harsatna hrang hrang sawi tur a tam hle a. Ruihhlo ngai enkawltu Centre pakhatah phei chuan harsatna namen lo a thleng mek a ni. He thil thleng avang hian Ruihhlo ngai leh he Centre a awm mi tam tak duh thlan tirin, an duh anga chhuah zalen anni a. Enkawltu mumal neilote veng hrang hranga an zalen tak siah chuan sual a punlun leh dawn tih hriain, veng tamtakah mipuite chiaiin, fimkhur turin an inchah nasa hle. He centre a awm chhuak zingah hian Drugs Over Dose vanga thi hriat tur an awm nghal bawk. Congress Thalai chuan he thil thleng hi pawi a ti hle a ni.
“Kum 2023 MLA General Election atana ZPM MLA Candidate tur puan anih tuma ZPM Leader Pu Lalduhoma thusawi leh a intiam angin, ZPM Party-in sorkarna kan siam chuan, “Ruihhlo ngaite enkawlna tur ‘Community Healing Centre’ UNO hriat tham, World Health Organisation nena tang tlangin kan din dawn a. Chutah chuan ruihhlo ngaite kan enkawl ang a, an chhuah huna mahni kea ding thei turin an hnathawh tur thlengin kan siam sak ang a, chutiang chuan anni hi kan enkawl dawn a ni,” a ti anih kha. He Centre din tur hian hmalakna a awm tawh em? Mipui hriat lohin hmalakna a lo awm ru reng zawk nge? Hmalakna a awm tawh anih chuan engtikah nge hmalak tan a nih a? Khawi hmunah nge? Engtik chhunga peihfel tur nge? WHO nen tang tlanga hmalak a ni em? tih hi Congress Thalai zawhna a ni.
“Chief Minister zahawm tak hian a intiam leh a lo sawi lawk anga Community Healing Centre, WHO nena tangtlanga din tur hi Zoram mipui hian kan nghakhlel tawh hle a, a bikin ruihhlo ngaite tana heti ang Centre changtlung tak tûr, Centre an chhuahsan hnu pawha an eizawnna thlenga ngaihtuah zui sak a tiam ang ngeia inenkawlna tha, hmun changtlung tak hi din vat nise Congress Thalai chuan a duhin a nghakhlel takzet a ni.
“Pu Lalduhoma leh ZPM party in thildang tam tak mipui hmaa an lo sawi thenkhat leh an intiam, tun thlenga a taka hlawhtlinna hmuh tûr awm si lo anga an zuzi san leh mai hi Congress Thalai chuan a hlau hle a. Chief Minister zahawm tak hian an Campaign auhlaa a lo sawi tawh ngei pawh Assembly House zahawm takah, ‘ka sawi a ni lo,’ tia dâwt a sawi mai theih tawh lohna atan a thusawi Video Clip hi a duh tana en theihin Social Media hrang hrangah hmuh tûr a tam hle tih hre turin mipuite a chah bawk a ni.,” tiin an tarlang bawk.
