Congress Thalai (MPYCC) chuan Mizoram a Covid-19 hri kai pungchho leh mek laka inveng fimkhur turin mipuite an ngen.
Vawiin a thuchhuah an siamah, “MPYCC chuan tunhnai a Covid-19 hri Mizoram a nasa taka a pun leh tak avangin mipuite he hri pung mek laka kan him tlan zawk na atan, mahni a kan lo in ven theih na hrang hrang face mask uar zawka vuah tur te, hand sanitizer hmang uar lehzual tur te in mipui te kan ngen bakah, he hri a hluar laia mahni kan lo in ven tawh thin dan hrang hrang kha hmang thar leh hram hram turin MPYCC chuan mipui te kan ngen a, mipui te kan theih dan ang ang a kan lo in ven lawk loh chuan, MNF sorkar in Covid-19 hri leng laka inven dan a hriat leh thiam chhun Lock Down puan leh bak hmachhawn tur Mizoram mipui ten kan nei leh dawn lo ani tih MPYCC chuan mipui te kan hriattir duh a. Covid-19 hrileng vanga hun rei tak MNF sorkar in Lock Down a puan avanga mirethei leh harsa zawk ten retheih leh mangan na nasa tak an tawh ang kha thleng nawn tawh lo se tih MPYCC chuan kan duh ber a, Lock Down puan kher ngai tawh lo turin mipui te mahni thiam leh theih dan ang anga lo in veng lawk turin MPYCC chuan Mizoram mipui te kan ngen tak meuh a ni.
“Tun hnaiah hian Mizoram-ah Covid-19 hri kai an pung nasa hle a, nimin July ni 8, 2022 khan Mizoramah Covid-19 positive thar 61 hmuhchhuah a ni. Tun a Mizoram Covid-19 dinhmun chu positive hmuh tawh zat 229670 niin, dam tawh 228439 an ni a, enkawl mek hi 525 niin thi 706 an awm tawh a ni,” an ti.
