Pathian leh mipui zara kan lo sawrkar anih chuan Opposition laia sawrkar dik lohna khalh ngil kawnga kan ri ṭhak ṭhak ang thovin, mipui beisei leh duhthusam sawrkar kan neih ngei theihnan, keimahni sawrkar siamah pawh a ṭul angin Congress Ṭhalaiten theihtawp kan chhuah ang a, kan ri ṭhak ṭhak dawn a ni : Dr.Lalmalsawma Nghaka, President, MPYCC
Vawiin March ni 7,2023 khan MPYCC Office-ah MPYCC Executive leh Organiser meeting neih a ni a. Hemi hunah hian Lunglei Municipal Council Inthlan lo awm tura chak taka hmalak dan tur rel a ni.
Meeting kaihruaitu Dr.Lalmalsawma Nghaka, President, MPYCC chuan thuhma sawiin, “Pathian leh mipui zara kan lo sawrkar anih chuan Opposition laia sawrkar dik lohna khalh ngil kawnga kan ri ṭhak ṭhak ang thovin, mipui beisei leh duhthusam sawrkar kan neih ngei theihnan, keimahni sawrkar siamah pawh a ṭul angin Congress Ṭhalaiten theihtawp kan chhuah ang a, kan ri ṭhak ṭhak dawn a ni.
“Congress Sawrkar laia Lunglei khawpui tana hmasawnna hrang hrang thawh kawngah, tuna sawrkar mek MNF te hian congress sawrkar kal ta kha a tluk lovin, hei hi Lunglei mipui thlavang hauh ngam lo Lunglei bial ṭhenkhata MNF MLA te hian MNF Sawrkar dinhmun a tichiang hle a ni.
“Lunglei Municipal Council Inthlan lo awm turah Lunglei hmasawnna atana Congress sawrkar kal ta hnathawh hre reng a, Lunglei Municipal Council inthlannaa kan party candidate te vote vek turin Lunglei khawpui chhunga ward hrang hrang mipuite kan ngen takmeuh a ni.” a ti.
Congress Ṭhalai mi ṭhahnem tak chu Ni 8.3.2023 a Lunglei Congress Bhavan a, Lunglei Municipal Council Election lo awm tur a, Congress Party Official candidate Pu Lalsawta MPCC President-in a puanna ṭawiawm turin an kal dawn a ni.
