MPYCC chuan thuchhuah siamin, “Mizo tleirawl, inbumna hmanga Dubai United Arab Emirates-a Housemaid tura sorkara kum pawh tling lo, Agency-in Passport dik lo leh Immigration Lisense Legal Documents pakhat pawh nei lova thawn an nih chungchangah sorkarin thil diklo titute chunga hremna pek aia Mizo tlangval, anmahni tanpuitu zawk, mi harsatna denchhena mimal hlawkna tel tum anga ZPM thupuangtu Pu K. Laltluangkima’n a sawi leh North Chawnpui tlangval Lalchhuanzela Banck Account ringhlel a, a Account check a ni hi thuneihna hmansualna leh mi dikte chanvo palzutnaah MPYCC chuan a ngai a ni,” an ti.
MPYCC chuan, ” Chief Minister Pu Lalduhoma’n a lo sawi lawk tawh ang ngeiin Kristiante leh Zohnahthlakte chunga rawva taka che BJP thiana an siam tak zia leh BJP lamtang a nih zia he thilah hian lantir zelin, mahni mi leh sa te thlavang pawh hauh loa, Mizorama BJP hruaitu Pi Lalremsangi (Tetei) nen Media kaltlanga uar taka an in fak tawn vel hian a nemnghetah MPYCC chuan a ngai a ni. He thilah hian thil dik lo titute an phu ang ngeia hrem an nih theihna tura hma la turin MPYCC chuan Mizoram sorkar a phut a, sorkar hmalakna hi a enzui zel dawn a ni,” an ti bawk.
