PACS hi Congress party Manifesto No.1 Tang puihna nena thawk dun tur leh hmalatu pawimawh tak a ni dawn. PACS kaltlang hian Mizote zia a bet tlat rinawmna, taimakna leh inchawikanna kal kawng kan zawh tlang dawn a ni- President, MPYCC
Vawiin chhun dar 1:00 pm khan Mizoram Pradesh Youth Congress Committee (MPYCC) hruaitute chuan Luangmual Primary Agriculture Cooperative Society an tlawh a, an dinhmunte zirchiangin inkawmhona hun tha tak an hmang.
He huna thusawitu MPYCC President Dr. Lalmalsawma Nghaka chuan, Mizoram mipui tam zawk hian mahnia eizawnna ngelnghet kan neih theuh theih nan mahni thiam anga hma la leh tang vek kan ni a, chumi chu Congress party hian a hriat chian avangin party Manifesto No.1 ah pawh tang puihna hi kan dah a, kan hun hmasa lamah pawh policy leh programme tha tak tak kan lo nei tawh thin. Tunhnaiah tang taka hnathawktute tan Primary Agriculture Cooperative Society (PACS) an lo awm ta hi thil lawmawm tak a ni a, Luangmual Multipurpose Co-operative Society Ltd-in heng lai bial tana
PACS an din hi a lawmawm a, tangkai takin mipuiten an hman zel ka ring a ni, a ti.
MPYCC President Dr. Mala chuan PACS hi bazar nuho te, kharchhawngtute, kut hnathawkte leh nitin eichawp zawngte tana ban phakah an awm zel hi a pawimawh dawn a, midangte tana malsawmna thlentu leh an dinhmun sawhnghehsaktu in nih zel ka beisei a. Pathian leh mipuite zarah Congress party-in sawrkarna kan chang leh anih chuan Co-operative Societies hnuaia PACS hmalakna hi Tang puihna policy nena thawk dun tur leh hmalatu pawimawh tak a ni dawn a. PACS kaltlang hian Mizote ziaa bet tlat rinawmna, taimakna leh inchawikanna kal kawng kan zawh tlang dawn a ni. Chumi avang chuan vawiin pawh hian PACS hrang hrangte an pisa ah ngei an hmalak dan te rawn zirchiang kan ni a, a taka in thahnemngaihzia leh in hmalaknate kan hmuh hian fakawm kan ti tak meuh meuh a, mi rethei leh harsa zawk Bank kaltlanga loan lak cho rual a nih loh laia an mamawh huna an hman theih tur inrintawnna puihna in siamsak hi a tha em em a ni, a ti bawk.
Luangmual PACS hi kum 2019 Feb ni 2 khan din tan a ni a, tunah hian loan cheng nuai 33,093,713/- pe chhuakin deposit cheng 120,149,851/- deposit an nei mek a. Loan an pek chhuah hi a tlangpuiin cheng nuai 1 leh a hnuai lam niin thla khatah a pung tlemte-in an pe a. Ar, Bawng leh Vawk vulhtute, Huan siam te, chawhmeh zuarte leh kharchhawngte chu an customer tam ber an ni a. Aizawl khawpui chhunga PACS function tha ber zinga mi an ni a. Luangmualah hian office neiin Manager hovin thawktu 5 an awm mek a ni.
