“HIV damdawi supply tlemin North East-a harsatna khirh tak a thlen mek” Sumita Debroy ziah Times of India, New Delhi, 4th March 2023 a chhuak chhan letna chu a hnuai a mi ang hian MSACS chuan a siam.
Mizoramah hian ART damdawi – Abacavir leh Lamivudine chawhpawlh AL-Adult damdawi ei lai PLHIV 76 an awm a. He damdawi hi Regimen thar TLD ei thei lo te hnenah chauh pek a ni a. Kan state in AL-Adult damdawi hi kan tlachham lova, naupang eitur puitlinga pek an ni lova, a dik tak chuan damdawi hi a ei țhinte hnenah an taksa zawng enin an eitur zat hi chhut țhin niin, chumi rem chuan pek țhin an ni zawk a ni. Tunah hian kan State hian AL-Adult damdawi thla khat ei aia tam kan la nei a, ATV/r pawh ART centre hrang hrangah thla 6 aia tam tla tur kan la nei bawk. Heng damdawite hi kan state hian tun dinhmunah a tlakchham thu kan hre lo.
AL-A Assam SACS in an tualchhung suma an lei mum 7500 vel chu Maharastra-a supplier warehouse atangin thawn chhuah a ni tawh a, rei loteah a thleng thuai ang. Central atanga AL-A supply pawh CMSS ațangin March thla laihawl velah SACS a thleng ang. Chu bakah, a nghah hun chhunga harsatna awm palh thei sukiang turin Mizoram SACS chuan AL-Adult damdawi hi Deccember 2022 khan NACO in State hnena pawisa a pek sa hmanga lei lawk a lo ni tawh bawk.
Supply Chain Management Committee hi bungrua a hun taka a lo thlen theih nan Mizoram State AIDS Control Society chuan a din a, indaih loh hlauh thawnawm a awm chuan he committee hian hma a la thuai țhin a, a chingfel nghal thuai țhin a ni. ARV damdawi awm zat te hi State leh ART centre tinah chik taka enfel reng a ni țhin.ARV damdawi thawn chhuah leh sem rual chungchang pawh SACS leh Supply Chain Management, NACO nen hunbi neia inrawn țhin a ni a, stock dinhmun thlir hona hi neih țhin a ni.
Chuvangin, A chunga sawi ang hian, ARV damdawi tlakchham thu hi Mizoramah tun dinhmunah hian a awm lova.AL-A leh ATV/r damdawite hi kan nei țha tawk a ni. Chanchinbu report te hi finfiahna awm lo leh a hmuna thil awmdan enfiah lova siam a niin a lang a, hei hian PLHIV te zingah chiaina a thlen phah theih avangin Mizoram SACS chuan pawi a ti hle. He thu chhuah hian behchhan a nei lova, State AIDS Control Society ten NACP țha taka a kalpui mek sawi nep tumna a ni mai em tih a ngaihtuah theih a ni.
