Vawiin khan MSCU Board meeting Room-ah Mizoram State Co-op Union Board Meeting neih a ni. Meeting hi Pu K. Lalchamreia, President MSCU in a kaihruai.
Vawiin thutkhawmah hian Meeting hmasa a thurel tawh bawhzui dan hrang hrang te sawiho a ni a. Cooperative Society awmzia leh a tangkainate, ram economy siam thatna hmanraw pawimawh a nih zia mipui mimir in an lo hriat theih nana Mizoram sikul zirlaibu a Topic pakhat a telh ve nise ti a Board meeting in a lo rel tawh angin Executive Committee chuan Education Minister leh Director SCERT October ni 4 khan an hmuh thu leh hemi chungchanga beiseina sang tak an neih thu an sawi. Vawiin hian 69th All India Cooperative Week, (14th – 20th November, 2022) lawm dan tur sawi a ni a. All India Coop Week hi Society zawng zawng te intawh khawmna leh inkhawmpui lian a nih avangin Aizawl leh District tinah he week hi hman nise tih rel a ni a. Aizawl bikah chuan a hawnna hi October 14, 2022 ah neih nise. Week ah hian State Level tin ten khawpui kawtthler hmun hrang hrangah Banner te tar nise, Flag te zawh ni se tih te sawi a ni.
He meeeting-naah hian MSCU Board member te an tel tha hle a ni.
