Mizo Students’ Union General Headquarters Aizawl bultumin ni 30 January 2023 khan Jantar Mantar, New Delhi ah Peaceful Demonstration (Delhi Chalo, Delhi Jaggo) neih a ni a. Programme ah hian mi 1000 chuang an pungkhawm.
Programme hi Zodinsanga, Treasurer chuan a kaihruai a. President Samuel Zoramthanpuia’n thusawina hun a nei. Preamble chhiarchhuahna neih niin Lalnunmawia secretary i/c Foreign Affairs in a kaihruai a. Resolution chhiar chhuahna leh lawmthu sawina chu Samuel Lalruatdika, Asst. General Secretary in a kaihruai a ni.
President Zorama chuan Mizo-te hi ram dang ami te ang bawka Indian kan nih thu leh chutiang anga Mizo community hi India miten an hriat ve a tul thu a sawi a. India sawrkar chuan nasa leh zawka Mizote a ngaihsak a tul thu a sawi. Mizo-Chin-Kuki te chu tobul inang, culture leh thlahtute inang kan nih avangin heng kan unaute rambuai avanga rawn pemte chu lo pawm turin a phut a. Myanmar unauten India pawna zin theihna tur exit permission pawm turin a phut bawk a ni.
India chu Democracy ram lian ber a nih angin kan thenawm Myanmar ramin democracy a neih theih nana thlawp turin a phut bawk a ni.
Resolution chu hetiang te hi an ni :-
1. Mizo mipui leh khawtlang hi India ram leilung fa kan nih zia hi ram mipui te hnenah hriattir a, thlamuang taka awm kan phu.
2. Myanmar ram in zalenna a sual mek ah hian India-in thlawp rawh se.
3. Chin-Mizo-Kuki hnam hrang hrang India ram a lo pemlut zawng zawng tehi India sawrkar in min thlawp tlat turin kan phut tlat a ni.
4. Myanmar atanga raltlante hian Exit Permit an neih theihnan India sawrkar kan phut a ni.
5. India ram a State ralmuang ber Mizoram hi kan humhim zel ang.
6. United Nations High Commissioners for Refugees(UNHCR) hian North-East India ah Office nei a, thuthmun rem turin kan ngen a ni.
MSU President chuan, “Kan thil phutte a hlawhtlin ngei theihnan MSU chuan pen khat pawha a hnungtawlhloh tur thu a sawi a. Kan pal a tliah loh chuan kan ngal a tliak ang tiin theihtawp MSU chhuah tur thu a sawi.
