Vawiin ni 1.7.2025 (Thawhlehni) chhun khan Mizoram Volleyball Association hruaitute chuan Mizoram Chief Minister, Pu Lalduhoma a Office ah an hmu a, April ni 16, 2025 a Chief Minister an hmuh tuma Mizoram Volleyball Indoor Stadium Propose Estimate thehlut tura atih angin Mizoram Volleyball Indoor Stadium Estimate an thehlut a, Chief Minister hian tha taka lo dawngsawngin, a Department chan (Planning Department) a\anga buaipui atum thu leh sorkarin Aizawl-a Volleyball Indoor Stadium a awmloh avanga Volleyball Indoor Stadium hi ngaih pawimawh zual bik (Priority List) a an dah tur thu a lo hrilh a, a theih ang anga hma pawh lak vat a tum thu MVA hruaitute lo hrilhin, MVA hruaitute hi Chief Minister chungah an lawm hle.
Tin, MVA in tunhnaia Volleyball Charity match an buatsaih atanga an sum hmuh \ 50,000/- chu Chief Minister Relief Fund-ah an chhunglut a. Chief Minister hian lawmthu a lo hrilh bawk a ni.
Mizoram Volleyball Association chuan June 20, 2025 (Zirtawpni) zana LPS Arena, Falkland-a an Charity Volleyball Match & Show an neih atanga Khuarel chhiatna tawkte tanpuina sum an dawn tlingkhawm zawng zawng cheng nuai 5 chu a bo a bang awm lovin an semchhuak.
Mizoram Volleyball Association hruaitute chu hmun hrang hrangah insemdarhin Serchhip District, Hnahthial District, Lawngtlai District, Champhai District leh Aizawl District hmun hrang hranga chhiatna tuarte tanpuina sum an hlan a, hemi bakah hian khuarel chhiatna avanga nunna chân chhungte hnenah ralna Rs. 10,000/- theuh an pe bawk a ni. Hei hi an pawisa semchhuah dan a ni –
1. Champhai – Rs. 30000/-
(Mitthi pathum hi Rs. 10,000/- theuha ral an ni a, chungte chu Lenkhuaithanga (71), Lalneihthuami (48), Lalramniengi (28) te an ni.)
2. Serchhip – Rs. 1,00,000/-
3. Lawngtlai – Rs. 1,00,000/-
4. Falkland – Rs. 30,000/-
(Mitthi pathum Rs. 10,000/- theuha ral an ni a, chungte chu Lalrinliana, Lungtiawii, Vanlalhruaii te an ni.)
5. Tachhip – Rs. 10,000/-
(Lalbiakdika (24) ral a ni)
6. Vaivakawn – Rs. 40,000/-
7. Venghlui – Rs. 40,000/-
8. Mission Veng – Rs. 20,000/-
9. Mission Vengthlang – Rs. 20,000/-
10. CM Relief Fund – Rs. 50,000/-
12. Hnahthial – Rs. 50,000/-
13. Serchhip – Rs. 10,000/-
(Ramzolura ral a ni)
TOTAL – Rs. 5,00,000/-
