Myanmar sorkar inthlakna avanga buaina kal zelah D-Day puan hnuah raltlan mi274 in Tuipuiral an luhbelh tawh.

Myanmar sorkar inthlakthleng avanga buainachuan ziaawm lam ala
pan mai theih loh avangin Tuipuiral huamchhungah raltlan mi 270 zet an luh belh leh tawh a.
September ni 7-a National Unity
Government of Myanmar in D-Day an puan atanga nimin
Pathianni, a ni 6-na thlengin Myanmar raltlan Tuipuiral
huamchhungah nitin lo lut thar an la awm renga. Nimin Pathianni a ni 6- na thlenga lo lut tawh zat chu mi 270
chuang an ni tawh a ni.
Tuipuiral Group YMA hruaitu te hnen atanga thu a dawn danin, raltlan lo lut tharte hi
Myanmar sipai leh PDF/CNA te inkahna leh a bul khua te
atangin an ni ber a. TuipuiralGroup YMA ruahman angin
quarantine zawhah Tuipuiral huamchhung khaw
hrang hrangah te sem darh zel an ni dawn a ni.
Tuipuiral Group huamchhungah hian raltlan lut
hmasa
leh lo lut thar belhkhawm hi tun dinhmunah mi 1700 chuang
awmin, School te an luh tawh avangin quarantine
centre bakah, in luahturte a awm tawh loh avangin,
Bialtu MLA chuan Silpauline bandle 22 a thawn chho
mek a. Hemi hmang hian quarantine centre leh an in luah
turte khawtlang hnatlanga sak a ni dawn a ni.
Tuipuiral huamchhungah hian raltlan school lut hi
naupang 334 vel an awm mek bawk a.Heng raltlan lo lut tharte tan
hian Mission for Christ chuan Thosilen 600
bakah raltlante Tuipuiral Group YMA te kutah an hlan bawk. Thudawnna in a tarlandanin Chin National Army
Camp a an comandant Cheu-a chuan tun dinhmunah
Myanmar sipai lakah buaina em em an neih lohthu a sawi a. An chhak lawkThantlang leh a
chhehvelah Myanmar sipaite an chet reng tawh thu
leh indona thleng thut theia nih avangin an in peih reng thu
a sawi bawk.