Mizoram Youth Commission in an siam online Job Portal (hnainpui.com)Mizoram chhung mai ni lo, state pawn lamah pawh ngaihven a hlawh hle mai a, NEC Shillong pawhin Job Portal chu zir chiangin, Mizoram mai nilo, North East State zawng zawng a hman a nih theihna turin upgrade that an duh thu an sawi a. Hemi chungchangah hian nimin 2/11/2022 (Wednesday) khan Shri Tanung Jamoh Director, Science and Technology NEC, Shillong chu Aizawl ah lokalin chawhnu dar 3pm khan Dr.Vanlaltanpuia, MLA Chairman Mizoram Youth Commission hovin Mizoram Youth Commission Conference hall-ah online Job Portal upgrade na tur a thil tul te an sawi ho a ni.
Dr Vanlaltanpuia, MLA,Chairman Mizoram Youth Commission chuan Mizoram Youth Commission Job Portal (hnainpui.com) chu state chhungah hman tangkai mek niin a hmangtu pawh an that hnem thu a sawi a, tin college hrang hrangah pawh a hman dan inzirtirna hun hman zel a nih tur thu a sawi. Shri Tanung Jamoh, Director Science and Technology NEC shillong pawhin hetiang software tha leh hman awlsam Mizoram Youth Commission in a duang chhuak chu tha a tih thu a sawi a, North East pumpui a hman anih theih nan a tul ang ang sum sen so tulah pawh NEC a inkau tih a sawi. He Meeting ah hian Dr. Lalrinchhana, Principal Adviser, Planning and Programe Implementation Department pawhin hnain.com upgrade na tur a NEC inhuamnaah lawmthu a sawi a ni.
