Mizo Zaimi Inzawmkhawm Gen. Hqrs. (MZI)-in November 14, 2024 atanga Beraw tlang-a Inkhawmpui lian an hman chu zanin (November 15, 2024) khan a tiak a, vawiinah Art & Culture Minister C. Lalsawivunga’n telpuiin MZI website a tlangzarh.
Art & Culture Minister chuan MZI chu zaimi inzawmkhawm pawl a nih piahlamah, thangtha, zai lama tui te tana hun leh hmun siamsak tura ke pen thin, hla phuahtute, zaipawl leh band hrang hrangte chena lenna, huapzo pawl a nih thu sawiin, ropui a tih thu a sawi a. Palaite chu Mizo zai leh rimawi chawilara, khawvel hriata pho chhuah tlaka tihhmasawn kawnga ke penho puiah a sawm.
Zaimite chu mahni inzir zel tura chahin, zuk leh hmuam, ruihhlo leh mipat hmeichhiatna hman khawlohna lakah te fihlim zel turin a chah bawk.
MZI Gen. Conference ni hnihna ah hian MZI President Er. Lalrothanga kaihhruaiin rorel a ni a, MJA kaihhruaiin kum 2024-2026 chhunga MZI hruaitu tur thlan niin :
President : Rosiamngheta
Vice President : Peter C Lalrinmawia
Gen Secretary : Zonunthari (Tharteii)
Asst Gen Secretary : Abraham M Ralte (AB-a)
Treaseurer : C.Rosangliani (Sangtei)
Fin Secy : Isaac Laldinthara (Aitea) te an tlang a ni.
