Mizo Zaimi Inzawmkhawm (MZI) branch thar, Kannan Veng branch, Aizawl chu (October 21, 2022) zan khan MZI Gen. Hqrs President David Z Hmar-in a hawng.
MZI, Kanan veng branch-ah hian member 60 vel an awm a, an President hmasaber R Lalthlengliana hovin zaimi, hlaphuah thiam leh rimawi tum thiam te hmasawnna tura theihtawp chhuah an tum a ni.
MZI branch thar hawngtu MZI Gen. Hqrs President chuan MZI chu pawl thianghlim, politics tuinu in a chim buai loh a nih thu sawiin, “MZI chhungah politics lakluh phal a ni lova, hruaitute pawhin political advantage-ah an hmang ngai lova, zaimite tan theihtawp chhuahin sorkar apiang a thawhpui zel thin” a ti a. “Political advantage a lak tum hruaitu kan nei anih chuan kan thlak ngam tur a ni” a ti bawk.
David Z Hmar chuan MZI Song writer’s forum hmalaknain hla phuatute tan minimum wages 1% hauh nih thu leh hman tan a nih tawh thu pawh a sawi a. MZI-ah chuan music video siam leh stage-a zai tum chuang miahlo, zaia tui em em MZI member nghet tak khawtinah mi thahnem tak an neih thu a sawi bawk a ni.
