Vawiin ni 4th March, 2025 a MZP Hqrs. Lunglei OB meeting chuan tun hnaia MCS Transfer & Posting -a Lunglei Addl DC leh Lunglei Municipal Council Secretary ni laite transfer an ni leh an aiawh dah a nih loh chungchang chu ngaihtuahin, Lunglei District MCS indaihlohna nasa tak kara hetia aiawh dah lova transfer awm hi a hrethiam lovin pawi a ti hle a ni.
MZP chuan, “Lunglei District-in MCS a neih tur sawmhnih leh pahnih (22) post awmah post sawm (10) chiah kan nei a. Tun dinhmuna Lunglei District-in MCS kan neih dan chu hetiang hi a ni:
Additional DC-1
SDO-1
Election Officer-1
SDC-2
BDO-3 (Lungsen, Tlabung, Bunghmun)
DCSO-1, (DCSO hian Lunglei BDO a kawp.)
LMC (CEO) -1
“MCS post hnawh khah loh a tam avang hian Lunglei District mipuite’n nasa tak in kan tuar phah a, hetiang a nih kara a awm sa lak sawn aiawh dah a nilo chu MZP Hqrs.: Lunglei chuan pawi a tiin a rang lama an sawn chhuah tak aiawh hi rawn dah leh vat turin thuneitute a ngen a. Lunglei MCS indaihlohna nasa tak awm mek hi min enfiah saka,a ṭul anga thuam chak a ngaihna laia min thuam chak zawk turin MZP Hqrs.: Lunglei chuan a ngen nghal bawk a ni,” an ti.
MZP Hqrs.: Lunglei chuan Lunglei District-a MCS indaihlohna chungchang hi enfiah in a chhui zui zel dawn a, a ṭul anga hmalak chhunzawm zel a tum bawk a ni
