MZP-in Pension tawh rawihnawnna order hal

Mizo Zirlai Pawl (MZP), Gen. Hqrs. chuan Cooperation Department hnuaia pension rawih nawn tha a tih loh zia lantir nan vawiin khan khan Vanapa Hall kawtah pension rawih nawnna order an hal.
He hun hi Andrew F.Lalramnghaka, Vice President chuan a kaihruai a, MZP General Secretary Jacob Lalmuanpuia’n pension rawih nawn duh loh chungchanga MZP hmalak dan report a pe.
MZP President Lalnunmawia pautu chuan thu sawiin, “Mi bik leh thiam bikna pawh nei lo, mimal induhsakna uchuak tak avanga sorkarin thawktu pension a ruai nawn hi thalaite kawng daltu a nih avang leh Sawrkar sum tam tak luanralna a nih avangin MZP chuan kan ngai thiam thei lo a. Ruai nawn lo tura vawi tam kan ngen hnuah pawh pension rawih nawn kaltlangpui a ni hi kan dem tak zet a. A tawp thlengin kan do zel dawn a ni.“ a ti.
Mizoram sorkarin Cooperation Department hnuaia pension a rawih nawn hi Lalrinsanga, May thlaa Additional Registrar of Cooperative Societies (Addl. RCS) pension tawh a ni a. Lalrinsangsa, Addl. RCS (Rtd) hmun ruak luah tur hian Sorkarin a aiawh tur Maria G. Ralte pawh a dah leh tawh a. Addl. RCS thar Maria G. Ralte hi July thla khan a pension veleh tawh a ni. Hetianga sawrkarin Addl. RCS pension tawh Lalrinsanga rawih nawn leh a tumna kawngah hian mimal induhsakna uchuak tak leh puanhnuai thil tam tak a awm niin MZP chuan a hria a. Naktuk (Ni 2 August, 2022) hian Mizoram sorkarin pension tawh a rawih nawn Lalrinsanga, Addl. RCS (Rtd) chu a office kai tur a dang dawn a. MZP ngenna a hlawh tlin loh chuan hma kan la zel dawn a. Mizoram sorkarin mi bik nihna awm lo, mimal induhsakna avanga pension a rawih nawnna order copy ni 25th May, 2022 a siam tawh chu MZP president, Lalnunmawia Pautu chuan a hal a ni.