Congress Thalai (MPYCC) chuan thuchhuah siamin, “Mizorama zirna in lian ber Mizoram University-ah July thla thleng chauh zirlai te tan Bus a tlan thei tawh tur chu pawi kan ti a, MZU zirlai ten harsatna nasa zawk an tawh hmain Mizoram sorkar chu hma chak tak a la turin kan phut,” an ti.
MPYCC chuan, “Tuna MZU a zirlai ten harsatna an tawh mek hi Mizoram sorkar tan ngawih bo pui chi ah kan ngai lo a. Tunah hian MZU hian sum lam a harsat na a neih avangin an bus hire hi an ti tlem hret hret zel a. Covid-19 in min tlak buak hnuah phei chuan bus hi 5 aia tam an hire thei tawh lo a, bus 5 an hire mek pawh hi July thla thleng chauh hire theih a ni tawh dawn a. August thla atang chuan MZU zirlai te hian an mahni thiam dan anga MZU hi an pan a ngai tawh dawn a, MZU zirlai te hi an mangang lawk hle a ni.
“MPYCC chuan Mizorama zirna in lianber MZU zirlai te manganna hi kan hriat pui a, kan zirlai ten man tlawm zawka Bus an chhuan theih nan, state dang ten an Transport Department te zirlai te tan subsidised rate a bus an chuan theih nan a Bus Pass an pe chhuak thin ang hian, Mizoram Sorkar pawh hian sikul zirlaite leh College zirlaite tan Bus Pass siam sak ve turin MPYCC chuan kan duh a, hei hi Mizoram sorkar hian a ti thei lo a nih pawh in, MZU zirlai ten MZU pan na tur bus an neih loh avanga an zirna in a tawrh loh na turin, Transport department bus a tlan tir thei lo a nih pawhin, ACBOA te bia a, Aizawl Temple leh MZU Campus in kara tlan tur City Bus tal ruahman pui turin kan ngen a. MPYCC chuan MZU zirlai ten MZU bus service awm lo tur avanga harsatna an tawh loh na tur a sorkar hmalak dan hi kan ngaichang reng dawn tih kan sawi duh a, zirlai te tan hian suangtuahna nilo ngaihtuah na tak tak seng tawh turin MNF sorkar chu kan phut bawk a ni.
“MPYCC chuan Chief Minister zahawm tak Pu Zoramthanga’n MZU Southern Campus lungphum ropui taka phum tuma East leh West ah pawh Campus hawn a nih zel tur thu a sawi na pawn kum a liam fe tawh hnuah, tun hnaia MZU Southern Campus atana hman lailawk tura ruahman Pukpui Engineering College tlawh a tum a, a panna kawng a that loh avanga a hmun a thleng thei lo chu lungchhiat thlak kan ti a. Mizoram mipui leh zirlai ten kan hrawn mek MNF sorkar Pu Zoramthanga kaihhruai hian zirlai te hmasawn na tur aia mau/rua ching a IAS hna bansan hial an awm an ring pawh hi an hmalak mek dan en hian a awm hliah hliah-ah kan ngai a ni,” an ti bawk.
