Kum 12 leh 15 inkar, ram pum huap inelna, Hyderabad-a Pathianni(26.2.23)a zawh tak, National Cadet Taekwondo Championship vawi 5naah Mizoram aiawh Vanlalthlamuanpuiin Gold a la a, Ezra Lalhlimawma, Vanmalsawmi leh Poomsae Pair (Reuben Lalruatdika & Vanmalsawmi te tangdun) ten Bronze medal an dawng.
Mizoram tana Gold medal latu Vanlalthlamuanpuii hian Under 55kg ah khelin match hmasa berah Garima Choudhary (Rajasthan) tumin 1st round-ah knock out in a chak nghal a. A match hnihnaah S.Rema (Tamil Nadu) tumin hneh takin 4-0, 4-0 in deciding round khelh ngai lovin a hneh leh a. Quarter Final match-ah hian Tanushree Ganesh Narkar (Maharashtra) tum lehin deciding round khelh ngai lo bawkin straight in 1-0, 7-3 a chak leh a Semi Final a lut a. Semi Finalah hian Renu Phogat (Haryana) Champion tumin 1st round hi a tumpuiin 0-1 a a la hlauh mai a. 2nd round ah na taka nawrletin 6-1 in a came back theih a, deciding round ah hian An in hneh tawk viau a, an in veng tawn thiam bawk a, point pawh a lut mawh hle. Mahse a tawpah Puii chu 1-2a dingchang zawkah tangin final a lut ta a ni.
Final ah hian National Gold medalist nilai Josnasharma (Karnataka) nen in tumin 1st round-ah hian point in leh thal zak zakin an score a, round tawp lamah Puiin Karnatak Champion luah a pet fuh avangin 7-4 in round a la ta a ni. 2nd round hi Chaltlang Lili veng naupang Puii hian a game thlakin hneh takin ro a rel a ni ber a. 2-0 zui leh ta bawk a. Deciding round khelh ngai lovin a champion ta a ni.
Armed Veng South naupang Ezra Lalhlimawma hian Bronze medal la turin Ezra
1st match-a bye phawta, 2nd match ah Uttarkhand 12-5, 8-8(1-0) in a hneh a, 3rd match-ah Delhi 9-2, 3-2 a hnehin semi final a lut a. Semi final-ah hian Karnataka nen in tumin 3-2, 6-6(0-1) in round an lak ve ve avangin deciding match khelh a. Ezra hi a vanduai zawkah tangin 7-3 in chak zo ta lova Bronze medal a la ta a ni.
Poomsae lamah Vanmalsawmi, Laipuitlang chuan Individual event ah Bronze a la a. Poomsae hi cut off syatem hman aniin a tel zawng zawng atangin semi final ah mi 16 lut a. finalah mi 8 a thlifimin an inel a. Sawmi hian Bronze medal a la a ni.
Tin, Vanmalsawmi leh Andrew Lalruatdika te hian poomsae pair inelnaah an telin Bronze medal an la bawk a. Cut off system hman anih tho a. A tha 8 inel zingah Bronze medal an la ta a ni.
Medal latute:
Gold – Vanlalthlamuanpuii female U-55kg chaltlang Lily veng/Exodus school
Bronze – Ezra Lalhlimawma Male U-37kg, Armed Veng South/AVSTC
Bronze – Vanmalsawmi Poomsae Individual, Laipuitlang/Exodus school
Bronze – Reuben Lalruatdika & Vanmalsawmi, Poomsae pair, Chaltlang/Exodus school
Coach – Robert Laltluangkima, Serchhip
Manager – Doris Lalhmangaihzuali, Kanan
Technical official – 1) Joseph Thansanga, Electric Veng.
2) Lalinpuia, Armed Veng south
3) Albert Lalrinfela, serchhip
