Tunlaia Kolasib leh Aizawl inkar kawngpui National Highway 306 kawngpui chhe lutuk avanga zin vei vak ten harsatna an tawh mek chu a rang thei ang bera siamthat hna thawk turin S. Lalrinawma, Secy MPCC & INC Official Candidate of 5 – Kolasib A/C (ST) chuan vawiin khan National Highway Infrastucture Development Corporation Limited (NHIDCL) hotute hnenah a thlen.
S. Lalrinawma chuan he kawng hi Mizoram chaklakna ber leh kan ei leh in lakna ber a nih avangin leh damlo harsatna tawk tan kan damdawiin hmunpui panna Aizawl kawng ber tiang taka kawng chhia a awm ta mai hi kolasib district mipuite leh Mizoram mipuiten harsatna namenlo kan tawk mek a, Christian-te hunpui ber Christmas lo thleng turah pawh hian he kawngchhia hian buaina tam tak min thlen theih dawn avangin theihtawpa, tuna a chhelai hi rang taka siamturin a ngen a ni.
He hunah hian NHIDCL Executive Director Mr Virendra Jakhar chuan lo dawngsawngin, theih tawp an lo chhuah tur thu a sawi a ni.
Tin vawiin ni vek khan Pu S.Lalrinawma chuan PWD Engineer in Chief. Er B.Lalawmpuia chu hmu nghal bawkin, Kolasib District huam chhung a kolasib khawchhung leh a chhehvel khua (Kolasib to Aizawl, leh Kolasib to Bairabi), kawng chhia chuan District mipuite tan harsatna nasa tak a thlen mek a, tun fur ruahtui tlak avang pawh hian nasa takin District mipuiten harsatna kan tawrh mek thu a thlen nghal bawk a, Kolasib leh a chhehvel khua hi kawng pawimawh tak a nih a vangin arang lama ngaihtuahsak turin a thlen nghal bawk a ni.
He hunah hian Congress Party atangin MPCC General Secretary Albert Lalthlamuana, Lalramzidinga Member MPCC , Jerome Bawlte General Secretary NSUI (Mz) ten an tawiawm bawk a ni..
