38th National Senior Taekwondo Championship, Puducherry, February 10 – 12, 2023 chhunga zawh takah Mizoram Taekwondo Team Silver 1 leh Bronze 3 an la.
Mizoram Team te medal lakna hi Poomsae inelnaah vek niin H.Vanlalfela Armed Veng South leh Vanlalhmangaihzuali Kolasib te tan dun ten silver an lak a ni a. Quarter Final leh semi final round-ah te a sang pathum zingah an tel chho vek a. Final round mi 8 inelnaah point 64.2 hmuin an chung chiah point 64.5 hmutu SSB te chu point 0.1 chauha pha lovin pahnihnaah an tawp ta a ni.
Tin, individual mipa leh hmeichhia khel te Lalthlamuanpuia(Venghlui) leh Vanlalhmangaihzuali(Kolasib) ten Bronze an la ve ve a. Mipa team Lalthlamuanpuia, Daniel Lalhumthanga, H.Vanlalfela te tangho chuan Bronze medal an la bawk.
Kyorugi lamah Under 74 kg a khel, Vanlalmawipuia(Venghnuai) chuan J&K(10-3, 11-2), Arunachal(8-0, 12-0) a hneh hnuah quarter finalah SSCB lakah 11-8, 9-4 in a chak zo ta lova. PC Lalmuanawma Under 68kg a khel pawhin Punjab 7-4, 6-6, 4-6- a hneh hnuah Pre quarter finalah J&K lakah 7-4, 4-2 in a chak zo ta lo bawk. Tin, hmeichhe lamah Under 68kg a khel, K.Lalngaihawmin a tumpui mi 2, Bihar leh Tamil Nadu te a hneh hnuin MP lakah 6-4, 4-2 a chak lovin Quarter finalah a tawp bawk a ni.
National Senior Championship ah hian State 35 leh Central Service 7 an tel a ni.
