Nimin June ni 5, 2023 khan CMO Aizawl East District chuan Intensified Diarrheoa Control Fortnight (IDCF) Launching Programme an hmang a. He hun hi Dr. Lalparliani, CMO Aizawl East District-in a kaihruai a, Dr. Eric Zomawia, Mission Director, NHM, Mizoram chu khuallian a ni.
National Health Policy 2019-in a tum chu India ram pumah naupang kum 5 hnuai lamah thihna 1000 zelah 39 atanga 23-ah tih hniam tur a ni a. Naupang kum 5 hnuai lamah kawthalo avanga thi 6.4% an la ni reng a, India ramah kum tinin naupang kum 5 hnuai lamah mi singruk velin an la thih phah reng a ni. He mi avang hian Ministry of Health and Family Welfare, Govt. of India kaihhruaina hnuaiah Intensified Diarrheoa Control Fortnight (IDCF) chu kum 2014 atang khan kum tin ram pumah hman a lo ni thin a. Kuminah pawh hian 5th June atanga 19th June, 2023 chhung hian IDCF hi hman leh tur a ni a. He programme hi hmang tangkai a, an lo chhawr ngei theihna turin mipuite an ngen a ni.
