Aizawl July 7 : India president thlanna neih tura BJP kaihhruai National Democratic Alliance (NDA) candiate Droupadi Murmu-i chuan vawiin khan Mizoram a rawn tlawh.
NDA Presidential candidate hi vawiin khan BJP MLA leh rorellai MNF MLA te nen Aijal Club-ah inkawmna an nei a, Droupadi Murmu-i hian July ni 16 ah India ram President thlanna lo awm turah amah thlawp turin BJP leh MNF MLA te a sawm a ni.
Presidential candidate hi Union Minister for Ports, Shipping and Waterways – Sarbananda Sonowal, Union Minister of State (MoS) of Social Justice & Empowerment – Pratima Bhoumik & BJP National Spokesperson – Sambit Patra leh Assam Minister Ashok Singhan an tawiawm a ni.
Lang a Mizoram lo tlawh NDA Presidential Candidate Smt. Droupadi Murmu hian vawiin vek khan Mizoram Governor Dr. Hari Babu Kambhampati chu a chenna in Raj Bhawan ah a tlawh a, inkawmna hun tawite an nei a. Smt. Murmi chuan Larsap hi Mizoram chanchin te zawtin Mizoram chu hmun nuam tak nia hmuh thu a sawi. Presidential Candidate hi Union Minister for Ports, Shipping & Waterways leh AYUSH Shri Sarbananda Sonowal; I & PR Minister Lalruatkima; Assam Minister for Housing & Urban Affairs and Irrigation Shri Ashok Singhal; BJP MP Dr. Rajdeep Roy leh BJP National Spokesperson Dr. Sambhit Patra ten an tawiawm a ni.