Vawiin chawhnu dar 2 khan Indian Red Cross Society (IRCS) Mizoram State Branch chuan Salvation Army hnenah Blanket 100 leh Oxygen concentration 2 an hlan.
Indian Red Cross Society (IRCS) Mizoram State Branch-in bungrua a hlanna hun hi Salvation Army Indian Eastern Territory, Territorial Commander Office, Aizawl Temple Square-ah neih a ni a. Indian Red Cross Society Mizoram State Branch Chairman Pu H. Lalengmawia IAS in a hlan a, Col. Lalbulliana Tlau Territorial Commander Indian Eastern Territory-in a dawng.
Heng bungruate hi, Salvation Army enkawl; Boys Home Mualpui, Motherless Baby Home, Saitual (Hlimna In) leh Old Age Home Serchhip te ta tur a ni.
Bungrua inhlanna hunah IRCS Mizoram Branch Pu H. Lalengmawia IAS chuan thu sawiin, “Salvation Army ten fahrah leh riangvaite chhawmdawla an hnathawhna hi Indian Red Cross Society ten kan hriatin ropui kan ti a. Kan bungraw neihte ṭangkai taka an lo hman atan kan hlan a ni a ti a. Kan theih ang angin chhawmdâwlna kawngah ke pen zel kan tum a ni” a ti bawk.
Indian Red Cross Society Mizoram State Branch President hi Gen. VK. Singh Mizoram Governor niin, Pu H. Lalengmawia IAS hi Chairman a ni a. College hrang hrangah First Aid training te buatsaihin, Mizoram a raltlante leh a mamawh apiangte tan Blanket thahnem tak DM&R Department hnenah a lo hlan tawh a ni.
