Aizawl, April 12 : Ni 12 & 13, April 2022 chhunga New Delhi-a Tourism & Culture Ministers Conference-ah Mizoram Tourism Minister Pu Robert Romawia Royte leh Official te an tel.
He Meeting hi Union Home Minister-in a hmanpui bakah Union Tourism, DoNER & Culture Minister GK Reddy, Union Minister of State for Tourism Ajay Bhatt leh Union Minister of State for Culture Arjun Ram Meghawl bakah Union Minister of State for External Affairs & Culture Meenakshi Lekhi pawh a tel a ni.
He meeting-ah hian India ram zalenna kum 75-na denchhena Tourism leh Culture lama hmalaknate Minister ten an sawi bakah Power point presentation te neih a ni.
Tourism Minister Pu Robert Romawia Royte chuan Union Tourism Minister chu Chite Convention Centre sa tan turin an inpeih tih hrilhin Union Tourism Minister chu Mizoram CM nen Joint-a lungphum phum turin a sawm a, PRASAD sum release thuai turin a ngen bawk.
Sports Minister ni bawk Pu Robert Romawia Royte chuan Union Sports Secretary Sujata Chaturvedi leh SAI Director General Sandeep Pradhan hmuin Mizoram tana project hmachhawp Ministry kuta awm mekte a sawipui a, tih fel thuai an tum thu Minister hi an lo hrilh a ni.
