Vawin Dt. 28.3.2023-a NGO Co-Ordination Committee (CYMA, MUP, MHIP, MZP, MSU) thukhawm chuan, Aizawl hmun laili atangin an hmun thar Zokhawsangah Assam Rifles te hi insawnchhuak thuai se a duh a. Hetih lai hian Assam Rifles luah lai ram chhunga felhlel leh dik lo taka L.S.C. lo neite hi a rang thei ang bera ram leh hnam rilru pua an pass (L.S.C.) surrender turin a ngen nawn leh a ni.
Mizo mipuite tana he lai hmun hi a awm zui zel theih nan tuna pass lo neitu te pawh a rang thei ang berin sawrkar-in cancell sak turin NGO Co-Ordination Committee chuan a ngen nghal bawk a ni.
Assam Rifles chhuahsan tur ram hi mipuite tana tangkai thei ang bera hman anih theih nan NGO Co-Ordination Committee chuan Mizoram sawrkar-in hma la turin a ngen a, a tul angin sawrkar tawiawm zel pawh a inhuam bawk.
