Aizawl March 30 : Mizoram Police thuchhuahin a tarlan danin tukin zing khan Ngopa ah Heroin man a ni.
Mizoram Police hian tunlai hian ruihhlo dona kawngah nasa takin hma an la a, tukin khan Ngopa PS te chuan Heroin gram 41, International Market-a cheng nuaih 20.5 man hu chu Malunchingi (35) leh Lalhmangaihsangi (24), Khuangphah, Champhai District-a mite hnen atangin, Ngopa Police Check Gate, Saitual District-ah an man. He thil hi chhui chian chhunzawm nghal mek a ni.
Ngopa OC hnen atanga thu dawn danin heng ruihhlo kengtute chuanna Sumo hian ruihhlo an phur tih report an dawn chu bawhzuiin hmeichhe pahnih te hi man a ni ta a ni.
Chanchin buatsaih lai hian Ngopa PS ah hren mek an ni a, naktuk lamah Aizawl lama thawnthlak an ni ang.
