NH 54 laih zauh naa leivung an paih dan en

Serchhip District Level Monitoring Committee on Implementation of JICA on National Highway 54 members te chuan Serchhip district chhunga NH 54 laihzauh hna thawh meka leivung an paih dante endikin, kawng kama kawnglaihna hnawm paihna tura ruahman pahnih chu an pawm theih loh avangin thla 2 chhunga hmun dang dap turin hnathawktute an hrilh.
Endiktute hi Serchhip bawrhsap mawhphurhna chelh mektu Lalmuansanga Ralte, Addl. DC in a hova, NHIDCL aiawhte leh Contractor te an tel bawk a ni. Endiktute hian Khumtung atanga tanin, kawng kama kawnglaihna hnawm paihna tur Spoil bank pahnih, a thlang lama Tuirini lui awmna chu pawm theiha an ngaih loh avangin thla hnih chhungin hman tlak hmun dang dap turin an hrilh a, hei bakah hian an enhona chungchang sawihoin, NHIDCL aiawhte leh an hnuaia contractor te chak taka hna thawk turin an duh tih hrilhin, chutihlaiin sawrkar laipuiin ramngaw leh nungchate leh a chhehvel ramte himna atana dan a siamte tha taka an zawm a tul tih an hrilh a, leivung paihna hmun hrang hrang umzui dan tur an sawiho chu contractor ten fel fai taka an hmalak zui dan tur an ziah chu Bawrhsap hnenah thla khat chhungin an thehlut ang a, District Level Monitoring Committee te nen a tul anga endik leh turin an rel a ni.