Congress Thalai chuan thuchhuah siamin, “National Highway No. 6-na leh No. 306-naa 4 lane kawngpui NHDCIL tena an sial turah tun thlenga harsatna hrang hrang avanga hma la lak theih loh leh ram neitute hnenah zangnadawmna sem theih a la ni lo reng chu ram hmasawnna tur tih thuanawpnaah Congress Thalai chuan kan ngai a. Ti khaw muang lova tihfel ngaite tifel thuai tur leh kawngpui sial hna thawk tan thuai turin NHDCIL te kan phut takzet a. Mizoram-in 4 lane kawng tha tak kan neih theih nana Central sawrkar atanga ruahmanna an siam hi a lawmawm tehlul nen, Mizoram sawrkar-in dan hman tlak tawh loh hmanga ram neitute Land Value a it emaw tih tur hi a vanduai thlakin, thluaka sum lut syndrome dik takah Congress Thalai chuan kan ngai a ni.
“Ram neitu dik tak ten kum tam tak rinawm takin chhiah an lo pek tawh avangin an ram hlutna (land value) hi an chanvo anih angin Congress Thalai chuan an hmuh ngei hi kan duhsak hle a, chutianga hmala tur chuan thuneitute zawng zawng kan ngen nghal bawk a. Congress Thalai chuan theihtawp kan chhuahpui zel dawn a ni.
Congress Sawrkar lai khan Railway kalna turah Compensation chungchangah a ram neituten buaina lian tham tawk lovin tluang takin an ram hlutna phu tawk zangnadawmna an la thei a.Tun MNF sawrkar hnuaiah erawh Land Owners ten buaina an tawk nasa em em thung a. An harsatnate sutkian nan Mizoramin chak kan lakna kawngpui ber an dang hial te kha Congress Thalai chuan a lungchhiatthlak kan ti takzet a ni,” an ti bawk.
