NHIDCL kawnglaih mekin harsatna a siam

Aizawl to Tuipang kawng NH54 two lane a zauh hna NHIDCL ten an thawh mekah, Contractor an chhawr ten kanwg laihna leivung an paih danah ram leilung ti chhe thei tur venna lam an ngaihthah vangin leivung paih hian harsatna leh a chhe lam zawngin nghawng a nei chho mek nia sawi a ni.
Khumtung Br YMA Secreatry Isak Zohmingliana chuan kawng laihna leivung paih in an leilet chawmtu an tui tlan in tlakloh in a siam a, tui a nut reng avangin an hnathawh naah harsatna an tawk thin a. Leivung in chirh a siam nasat vangin Tuirini leh a fintu lui te chirh ina hnawh zel a, Aizawt chiah leh len denna tur pawh a awm rih loh thu a sawiin, kut hnathawk tute an mangan thu a sawi.
K.Khualluna, Seling Watsan Committee Secretary chuan Seling leh Champhai kawng laih zauh hna thawh mek in leivung an duhna hmun hmunah an paih a, Seling khaw tui lak (Phase I) a ti chhia a, kar 1 chhung tui kan nghei phah tawh, a ti a. Leivung paih vang hian Tuirini lui chu nasa takin chirh in a chilh mek a, lui a nungcha ten an tuar nasa hle tih a sawi bawk. Henglai tlangdung a chengte chuan kawng lai tuten Leivung an paih in a dalna tur an siam ngailo a, an leivung paih te ruahtui in a len tan a, nasa takin kan kawr tui lui te a hnawh a, hmun thenkhatah phei chuan leivung paihna hmun bik pawh siamlo in an nawr liam mai mai a, ram an ti chhe zau nasa lehzual niin an sawi.