NHM hnuaia thawkte hna zawm loh chuan sorkarin dan angin khawng takin hma la dawn

Aizawl, July 14 : National Health Mission hnuaia hnathawk tu hrang hrang intelkhawm National Health Mission Empoloyessb Union Mizoram NEUM tena an hlawh leh an service chungchanga an nawrh na kalzel ah Sorkarin dan angin hma ala dawn a khawng taka kal an tum tih Health Department Principal Secretary Esther Lalruatkimi chuan a sawi.
Nimina Secretariat Conference Hall a thuthar lakhawm tute an kawmna ah Health Department Principal Secretary Esther Lalruatkimi chuan NEUM hnathawk te chu tunah hian an hlawh thlathum pek loh chu thla hnih hlawh tunhnaiah pek chhuah a ni ati a, tiamchim awmlo a nawrh an kalpui mek ah nimin lamah NHM Mission Director chuan thuchhuah siamin vawiin atanga an hna zawm theuh tura thu an chhuah chu zawm that a nih leh niloh endik tu controlling officer an awm chungte chuan an endik dawn tih sawiin, hna an zawm lo zel a nih chuan dan angin sorkar chuan hma ala maidawn tih thuthar lakhawm tute zawhna chhangin Principal Secretary chuan a sawi a ni. Esther Lalruatkimi chuan NHM hnuaia hnathawk te an chawlh avanga harsatna thlenlohna turin Health Department chuan Crisis Managment Plan an neih tih sawiin Principal Director Health Department kaihhruaina hnuai ah sorkar damdawiin hrang hrang ah te mipuiten harsatna an tawh lohna turin ruahmanna an siam niin a sawi bawk.
NHM te harsatna chungchang hi Dy CM hoin sorkar department hrang hrang aiawh leh an mahni NEUM aiawh ten an sawiho tih DP&AR Secretary Lalramnghaka chuan sawiin, NHM hnuaia thawktute chauh hi sorkar hnuaia CSS hnathawk an nilo tih R Lalramnghaka chuan sawiin sorkar dept 16 hnuaia CSS hnathawk hi tunah mi 10,654 an mek a, heng hnathawk hrang hrang te hi DP&AR chuan an hlawh leh an service hrang hrang te zirchiangin an recommendation report pawh Chief Minister, Dy CM leh Chief Secretary hnenah an theh lut tawh tih a sawi a, Law & Judicial Department in endikna neiin vetting an nei zo tawh a, DP&AR lamah chinfel ngaite leh enzui ngai la awm te nghah mek a nih thu DP&AR Secretary Lalramnghaka chuan a sawi bawk a ni.
Hetiang scheme leh programe hrang hrang hnuaia thawkte hi mi chi hnih khat mai an nih loh avangin thil awlai tak a ni lova, tin, group pakhat chauh lak hrana ngaihtuah theih a ni lo bawk tih DP&AR Secretary chuan sawiin Central Scheme/Project leh EAP hnuaia thawktu lak hi tunhnai thil mai a ni lova, State ministry hrang hrang lo awm tawhte hunlai atanga zawi zawia lo awm an nih avangin nghawng tam tak- recruitment dan dinglai te, service dinhmuna dan awmsa te leh sum leh pai a nghawng dan turte, constitutional provision violate theih a awm leh awm loh (litigations awm theite) zawng zawng te en hmasak a ngai a, chuvangin, sorkar tan chuti maia decision emaw policy han siam theih a ni lo niin DP&AR Secretary chuan thuthar lakhawm tute zawhna chhangin a sawi a ni.