Central sawrkarin Thingtlang chhungkuate dawmkan nana kum khat chhunga ni 100 inhlawhna buatsaih a, Mipui inhlawhna hnathawh te a tul anga thuam thatna tura hnathawh nan leh hnathawhna bungraw hman tur leina tura scheme, Material Component (MC) MNF Sorkar in a kalpui dan hi hlemhletna khurpui a Mizoram siamtu a ni tih hi a chiang a ni.
Tangkai taka MGNREGS sum hman a nih a, khawtlang leh mipuite hmasawn na a nih theih nan mipui inhlawhna leh hnathawhna tur bungrua lei chungchang ah khawtin Job Card neih zat anga rualkhai taka kalpui tur a nih laiin, Committee chhawng – District Level(DEC), Block Level(BEC) leh Village Level(VEC) te hming hmangin eirukna nasa tak kalpui a ni.
Central Minister, Faggan Singh Kulaste Aizawl rawn tlawhin Mizoram sorkarin MGNREGS a kalpui dan a hriatin mak a ti a, Union Ministry Office ah Complaint thehlut tura a tih angin BJP Mizoram in a thehluh pawh RD Ministry in chak taka hmalak mek a nih thu BJP Vigillance Cell hotute a rawn hriattir tawh a bawk a, dan ang taka kalpui a niha, Thingtlang miten an chanvo diktak an hmuh theih nan leh eirukna kalphung tih tawp a nih theih nan MGNREGS Material Component kalpui dan diklo chhui turin Mizoram Lokayukta office ah Complaint thehluh zui nghal a ni ta a ni.
Material Component hnathawh danah Thingtlang mipui te tana siam a nih laiin Khawpui lama cheng te pawh hnathawh tir an ni a. Covid 19 vanga Thingtlang mipuite Economy tlachhia dawm kanna turin Central sawrkarin State tinte sum sanction in a pui nasa a. MGNREGS hi eirukna leh Party Worker bil induhsakna tur Scheme a ni loh avangin, Khua leh tuite vuivaina thlenna hmun Mizoram Lokayakta Office ah vawin 25th April 2022 hian MGNREGS Material Component kalpui dan diklo thehluh a ni ta a ni.
