Health & Family Welfare Department, Government of Mizoram in National Institute of Disaster Management (NIDM), GeoHazards Society (GHS) leh GeoHazards International (GHI) nen a tang ho a ni thum chhung online training programme ‘Building Resilience of Health Facilities’ an buatsaih chu vaw in 11 hian an zo. International leh National expert Dr. Janise Rodgers (GHI), R.C Sharma (Retd Director Delhi Fire Service), Dr. Lallu Joseph (VMC, Vellore), Ms. Satabdee Borah (GNRC Hospitals), Dr. Hari Kumar(GHI), Pranav Sethi (GHS) ten hospital safety lam a chhiatrupna thleng thei te leh lo in buatsaih a hma lo lak theih dan chipchiar in zirtirna an pe a. He online training ah hian nitin participants 230 chuang an tel ziah ani.
Dr. C. Lalzepuii, Director of Health Services; Dr. KK.Chhetri, Director of Hospital and Medical Education; Dr. T.Lalhmangaihi, Principal Director of Health and Family Welfare Department, ten participants te chu he training a an zir te hmang tangkai a a taka an hospital theuh lo him leh zual zawk theih nan a hma la turin an fuih a. Health department hian disaster management kaih hnawih lamah health facilities te lo him zawk nan theih tawp chhuah a hmalak chhoh zel an tum bawk. Dr. Garima Aggarwal, leh Mr. Shreyas Dwivedi NIDM te chuan Government of Mizoram hnenah health facilities te him zawk nan a hma an lakna leh GeoHazards International leh GeoHazards Society ten he training puitlin theih nan a an hmalakna chu lawmawm an tih thu an sawi. GeoHazards aiawh in Dr. Hari Kumar chuan Dr.Robert L.Khawlhring, SNO, DHME, Health & Family Welfare Dept leh Ms. Lalrinpuii Tlau ten participants ten training tha tak a an telna tur a hma an lakna ah lawmthu a sawi bawk ani.
